როგორც თავად პროგრამისტი აცხადებს, ბაჩალიაშვილს არ იცნობდა და მასთან კავშირი არ აქვს, საგამოძიებო უწყებაში დაბარების მიზეზი კი ინტერნეტში მოძიებული მასალაა, რომელიც ლუბარეცმა, როგორც თავად ამბობს, მხოლოდ და მხოლოდ ინტერესის გამო მოძებნა.

"მითხრეს, რომ რაღაცები დამისერჩავს, რაც არ უნდა მომეძებნა. ერთ-ერთი ობიექტი არის ბაჩალიაშვილის საქმეში და მე საჯარო რეესტრის საიტზე ამ ობიექტს ვეძებდი. მითხრეს, რომ ამის გამო უნდა აიღონ ჩემი მობილური ტელეფონი და უნდა ნახონ ყველაფერი, რაც ინახება შიგნით. ყველა, ვინც რაღაც ინფორმაციას ეძებს, უნდა დაიბაროთ-მეთქი? კი, ვინც გამოჩნდება, უნდა დავიბაროთ და მათი ტელეფონები ვნახოთო. მითხრეს, ვილა ალგეთზე გქონდა დაკლიკულიო. არც ვიცოდი ამ ობიექტის შესახებ, მაუსით ვაჭერდი უბრალოდ რაღაც წერტილებს და ამის გამო ტელეფონი წამართვეს" - თქვა გიორგი ლუბარეცმა.

უკვე ორ თვეზე მეტია ახალგაზრდა პროგრამისტი თამარ ბაჩალიაშვილი გაურკვეველ გარემოებაში გარდაცვლილი იპოვნეს. ოჯახს თვითმკვლელობის ვერსიის არ სჯერა, თუმცა პროკურატურა ვერც სუიციდის ფაქტებს იკვლევს, შესაბამისად, გამოძიება ჩიხშია შეყვანილი და ბევრი ბუნდოვანი გარემოების გამო საზოგადოებასაც უამრავი კითხვა უჩნდება.

თამარ ბაჩალიაშვილის დედა შიმშილობას აანონსებს იმ შემთხვევაში, თუ მას მთავარი პროკურორი ირაკლი შოთაძე არ შეხვდება და გარკვეულ კითხვებს არ გასცემს პასუხს.