თამარ ბაჩალიაშვილის საქმესთან დაკავშირებით ახალი დეტალები საჯაროვდება. საქმეში არსებულ ვიდეო და აუდიო ფაილებს ტვ პირველი ასაჯაროვებს.

აუდიო-ჩანაწერები თავად ბაჩალიაშვილის მიერაა გაკეთებული და იქ ძირითადად სამსახურში არსებულ გარემოზეა საუბარი. გარდაცვალებამდე რამდენიმე თვით ადრე დამზადებული ფაილების შინაარსიდან ირკვევა, რომ კომპანია "ზეგ"-ში მისთვის არა განვითარებაზე ორიენტირებული, ჩაგვრის მაპროვოცირებელი გარემო იყო შექმნილი.

ჩანაწერების ნაწილში გოგონა თავის უფროსზე, ნიკა გეჯაძეზე საუბრობს. ის დეტალურად განმარტავს წყენის მოტივებსაც. ნიკასთან ერთად დაღუპული გოგონა ონლაინდღიურებში ვინმე ნინისაც ახსენებს, აღნიშნული სახელი ჩანაწერში რამდენჯერმე გვხვდება.
"ტვ პირველის" ინფორმაციით ბაჩალიაშვილი ნინი ტატანაშვილზე საუბრობს, რომელიც კომპანია "ზეგ" - ის თანამშრომელია. ბაჩალიაშვილი თავის ჩანაწერებსი ამბობს, რომ ტატანაშვილი მას ჩაგრავდა.

"მე ვარ დედოფალი, მე ხომ ნიკასთან ერთად ვარ და რა მნიშვნელობა აქვსო..." - ამბობს ბაჩალიაშვილი.

შვილის მონაყოლი ამბებიდან, ბაჩალიაშვილის მშობლებს ახსოვთ, რომ კომპანია "ზეგ" - ში არაჯანსაღი სამსახურეობრივი პირობები იყო და თანამშრომელთა ნაწილი, უფროსებთან სიახლოვის გამო პრივილეგირებული იყო:

"სამსახურიდან ვიღაც გოგოს ახსენებდა, ძალიან ბევრ პრობლემას მიქმნის მამა, ყელში ამომივიდა მამაო" - ამბობს ბაჩალიაშვილის მამა.