შინაგან საქმეთა მინისტრი ირწმუნება, რომ ქვეყანაში კრიმინოგენული ვითარება გაუმჯობესებულია.

ვახტანგ გომელაური ოპოზიციის წევრებზე წინასაარჩევნო ძალადობასა და დევნის ფაქტებსაც გამორიცხავს.

"ერთ არჩევნებს ვერ დამისახელებთ, რომელშიც ჩართული არაა პოლიცია და დანაშაულს არ იძიებს. ჩვენ ყველაფერს ვაკეთებთ - ვიძიებთ დანაშაულს, ვსჯით დამნაშავეს. მერწმუნეთ, ახლაც, არჩევნებამდე ყველა საქმეს მკაცრი რეაგირება მოჰყვება, - ამბობს გომელაური.

გარდა ამისა, შსს მინისტრი ფიქრობს, რომ ილუზიას გაზრდილ კრინალთან დაკავშირებით მედიის მხრიდან ამბების არასწორი გაშუქება იწვევს.

ჟურნალისტები ამბობენ, რომ დღეს თურმე დაიქცა ქვეყანა. შედით საიტზე და ნახეთ, რამხელა სხვაობაა დანაშაულის რაოდენობებს შორის წინა წლებში და ახლა. სულ კლებადი ვერ იქნება ყველაფერი, მაგრამ ადრე ციხეებში იჯდა 25 000 ადამიანი, დღეს ზის 9000-მდე. როცა ხდებოდა 300 ერთეული დანაშაული, დღეს ხდება 100 ერთეული. მიუხედავად ოპონენტების წინასაარჩევნო მტკიცებისა, რომ თითქოსდა კრიმინალი მომატებულია, ეს რეალურად ასე არ არის"- აცხადებს მინისტრი.