ღონისძიებას ევროკავშირის წევრი ქვეყნების უმაღლეს წარმომადგენლებთან ერთად, აღმოსავლეთ პარტნიორობის მონაწილე ქვეყნების ხელისუფლებათა უმაღლესი და მაღალი რანგის პირები დაესწრებიან. აღნიშნული ღონისძიებისთვის 100 ბოთლზე მეტი ღვინო, რამდენიმე ათეული ჭაჭა და ქართული ბრენდი უკვე გაიგზავნა ვილნიუსში.

დამზადდა ასევე სპეციალური ეტიკეტი, რომელიც ქართულ ნაწარმზე იქნება დაკრული, წარწერით "GEORGIA WELCOMES THE LITHUANIAN EU PRESIDENCY 2013. აღსანიშნავია, რომ აღმოსავლეთ პარტნიორობის სამიტამდე, 27 ნოემბერს, ვილნიუსში გაიმართება საპარლამენტო ფორუმი, რომლის ოფიციალურ ვახშამზე ასევე ქართული ალკოჰოლური სასმელები იქნება წარმოდგენილი.