აკაკი ბობოხიძის თქმით, როგორც სამტრედიაში, ისე მთლიან საქართველოში, არის მძიმე ეკონომიკური და სოციალური კრიზისი, ადამიანებს კი აქვთ გარდამტეხი ცვლილებების მოლოდინი. დავით ბაქრაძის თქმით, ევროპული საქარველო იქნება კომპასი, რომელიც ქვეყანას გამოიყვანს ამ მძიმე ეკონომიკური კრიზისიდან და წაიყვანს წინ.

„დღეს გვქონდა შეხვედრა სამტრედიელ ამომრჩეველთან, ჩვენ არ დავტოვებთ არცერთ ქალაქს, არცერთ უბანს, სადაც არ შევხვდებით მოსახლეობას, სადაც არ მივიტანთ ჩვენ სიტყვას და პროგრამას და ყველაფერს გავაკეთებთ იმისათვის, რომ 31 ოქტომბერს ბიძინა ივანიშვილის ხელისუფლება შევცვალოთ არჩევნებით და რაც ყველაზე მნიშვნელოვანია, შევცვალოთ მშვიდობიანად და ამას გავაკეთებთ ჩვენ ამომრჩეველთან ერთად, მათ შორის სამტრედია იქნება ის ქალაქი, რომელიც უარს ეტყვის ბიძინა ივანიშვილის მმართველობას და მასთან ერთად მთელი მისი გუნდის მმართველობას.“ -განაცხადა აკაკი ბობოხიძემ.

„აბსოლუტურად ცალსახა განწყობაა სამტრედიაში, ისევე როგორც მთელ საქართველოში, ადამიანებს სჭირედბათ გარდამტესხი ცვლილებები, ადამიანები დაიღალნენ უიმედობისგან, სიღარიბისგან, გაჭირვებისგან, კრიმინალისგან და იმის განცდისგან, რომ ამ ქვეყანაში ადამიანებს მომავალი არ აქვთ. ამიტომ, ამ ყველაფერს სჭირდება გარდამტეხი ცვლილებები და სწორედ ევროპული საქართველოა ის გუნდი, რომელიც საზოგადოებას სთავაზობს გარდამტეხ ცვლილებებს, 100 000 ახალ სამუშაო ადგილს, გადასახადების შემცირებას და თანხის დაზოგვას, გაორმაგებულ სოციალურ დახმარებებსა და პენსიას, ანუ იმ ყველაფერს, რაც უკვე პირველივე წელს საზოგადოებას აგრძნობინებს უკეთესობას, მოაგვარებს პრობლემებს და ქვეყანას წაიყვანს წინ.“ - განაცხადა დავით ბაქრაძემ.