არჩევნებთან დაკავშირებით ყველას უნდა ესმოდეს, რომ ვერანაირი ფალსიფიცირება, ძალადობა და მოსყიდვა ვერ განხორციელდება და მეორეც, ეს საქართველოს წაიყვანს არა განვითარების, არამედ ჩიხის გზით

არჩევნებთან დაკავშირებით ყველას უნდა ესმოდეს, რომ ვერანაირი ფალსიფიცირება, ძალადობა და მოსყიდვა ვერ განხორციელდება და მეორეც, ეს საქართველოს წაიყვანს არა განვითარების, არამედ ჩიხის გზით - გიგი წერეთელი

პოლიტიკა - 00:38, 24 Sep, 2020

895

ევროპული საქართველოს წევრი, ეუთოს საპარლამნეტო ასამბლეის პრეზიდენტი, გიგი წერეთელი, ამერიკელი დიპლომატების სტატიას ეხმაურება.

გიგი წერეთლის თქმით, ეს დიპლომატები არიან ადამიანები, რომლებიც გულშემატკივრობენ ქართველ ხალხს და ადევნებენ თვალს იმ ვითარებას, რაც ხდება ქვეყანაში.

გიგი წერეთლის თქმით, დიპლომატების წუხილი ეხება ქვეყნის საინვესტიციო გარემოს, სასამართლოს, 8 მარტის ხელშეკრულების სრულად შესრულებას და წინასაარჩევნო პერიოდში ხელისუფლების მხრიდან დარღვევებზე, რომელთა გამოსწორებაც კრიტიკულად მნიშვნელოვანია რათა ქვეყანა არ წავიდეს ჩიხისა და პოლიტიკური დაძაბულობის გზით.

„ამერიკელი დიპლომატების განცხადება, ვფიქრობ არის ძალიან დამაფიქრებელი და ძალიან მნიშვნელოვანი. ეს ის ხალხია, ვინც გულშემატკივრობს საქართველოს, იყვნენ ჩვენთან ელჩები და ყოველთვის თვალს ადევნებდნენ ვითარებას, რაც ხდება საქართველოში. მათი წუხილი უკავშირდება ხელისუფლების საინვესტიციო პოლიტიკას, სასამართლოს, ოპოზიციასთან ურთიერთობებს და პოლიტპატიმრებს და შეთანხმებებს, რომლებიც იყო ოპოზოციასა და ხელისუფლებას შორის, რაც აუცილებლად უნდა შესრულდეს.

ვფიქრობ, რომ ეს არის ძალიან საყურადღებო. რაც ყველაზე მნიშვნელოვანია, ეს არის არჩევნები, არჩევნებთან დაკავშირებით ყველას უნდა ესმოდეს, პირველ რიგში ხელისუფლებას, რომ ვერანაირი ფალსიფიცირება, ძალადობა და მოსყიდვა, თუ ვინმეს ეს აქვს ჩაფიქრებული, ეს ჯერ ერთი ვერ განხორციელდება და მეორც, ეს საქართველოს აბსოლიტურად საწინააღმდეგო გზით წაიყვანს, არა განვითარების, არამედ ჩიხის გზით და პოლიტიკური დაძაბულობის და არეულობის გზით.“ -განაცხადა გიგი წერეთელმა.