დავით ბაქრაძის თქმით, ეკონომიკის ეს უმძიმესი კრიზისი მოიტანა მთავრობის არასწორმა ეკონომიკურიმა პოლიტიკამ. ბაქრაძემ აღნშნა, რომ ამ ვითარებას ვერ გამოასწორებს ეს მთავრობა, რადგან მათ არც ცოდნა, არც უნარი და არც შესაძლებლობა არ აქვთ.

დავით ბაქრაძის თქმით, ამ კრიზისიდან ამოსვლას სჭირდება კონრეტული გეგმა, წნეხის შემცირება მოსახლეობაზე და ბიუროკრატიული ხარჯების შემცირება. ბაქრაძის თქმით, სწორედ ევროპული საქართველოს გეგმა მოიტანს გარდამტეხ ცვლილებებს.

„ლარის მდგომარეობა ასახავს იმ უმძიმეს ეკონომიკურ მდგომარეობას, რომელშიც ქართულმა ოცნებამ შეიყვანა ქვეყანა და მოსახლეობა. უკვე წლებია ლარი უფასურდება ისე, რომ არცერთი ნაბიჯი არ იდგმევა მთავრობის მხრიდან, ამას დაემატა გაზაფხულზე ეკონომიკის მთლიანი ჩაკეტვა არასწორი მენეჯმენტის შედეგად, ამას ემატება უზარმაზარი საგარეო ვალი, რომელსაც წელს იღებს მთავრობა და საბიუჯეტო ვალდებულებები, რომლითაც უხვად დატვირთა ქართულმა ოცნებამ ბიუჯეტი. ამიტომ, ამ ყველაფრის შედეგად, ლარი უფასურდება ყოველდღე და ეს უმძიმეს ტვირთად აწვება ისედაც კრიზისში მყოფ ჩვენს მოსახლეობას.

გამოსავალი აქედან გახლავთ მხოლოდ ერთი, 31 ოქტომბერს ამ მთავრობის მოშორება, გარდამტეხი ცვლილებების მოტანა და ახალი ეკონომიკური პოლიტიკის დაწყება. კერძოდ, გადასახადების შემცირება, სამთავრობო ხარჯების რადიკალურად შემცირება, უაზრო რეგულაციებისა და შეზღუდვების გაუქმება, ხალხისათვის მეტი ქონების გადაცემა და ამ ყველაფრის შედეგად, ლარის კურისის გამყარება და მთლიანად ეკონომიკის გაჯანსაღება.

ამის გაკეთების არც ცოდნა, არც უნარი და არც შესაძლებლობა ქართულ ოცნებას არ გააჩნია და ჩვენ ეს ვნახეთ ბოლო 8 წლის განმავლობაში. ამიტომ, ერთადერთი გზა ლარის გამყარების და ეკონომიკური სიტუაციის გამოსწორების და კრიზისიდან გამოსვლის არის არჩევნების გამოყენება გარდამტეხი ცვლილებების მოსატანად.“ - განაცხადა დავით ბარქაძემ.