ბაჩალიაშვილის ოჯახის ადვოკატები სატელიტის ფოტოების საქმეზე მაგისტრი მოსამართლის თანდასწრებით იკითხებიან. როგორც პროკურატურა განმარტავს, ფოტოები ყალბია და არ ასახავს იმ რეალობას, რასაც რამიშვილი დავით ფურცხვანიძის მიერ მიცემულ ფოტოებზე დაყრდნობით აცხადებს. ამის გამო ბაჩალიაშვილების ოჯახის ადვოკატს გამოძიების ფარგლებში ჩამოართვეს ტელეფონი.

თავის მხრივ, უფლებადამცველების განცხადებით, პროკურატურის მხრიდან ტელეფონის ჩამორთმევა და პირადი ინფორმაციის ამოღება არის ადვოკატზე ზეწოლა და ფაქტი ემსახურება ერთადერთ გარემოებას - მათ არ სურთ, იურისტებმა გამოიძიონ მომხდარი გახმაურებული საქმე.

"პროცესებიდან გამოვედით და ვუცხადებთ სოლიდარობას. ეს ადამიანი უსამართლოდ ისჯება" - ამბობს ადვოკატი ალექსანდრე კობაიძე. მისივე თქმით, თუ პროკურატურა მიხეილ რამიშვილს ბრალს წარუდგენს, ადვოკატებს მწვავე რეაგირება ექნებათ.

სასამართლოს შენობასთან მიმდინარე აქციაზე თამარ ბაჩალიაშვილის დედა თეონა თამაზაშვილიც მივიდა.

მას შემდეგ, რაც პროკურატურამ ამ საქმეზე გამოძიება დაიწყო, მიხეილ რამიშვილმა მისი დაკავებაც არ გამორიცხა და აღნიშნა, რომ საგამოძიებო უყება ბაჩალიაშვილის საქმიდან მის ჩამოშორებას ცდილობს.