"შოკირებულია... მეზობელმა დაინახა, მხოლოდ ის თუ როგორ შარდავდა ბრალდებული ეზოში..." -15 წლის ბიჭის გაუპატიურების ბრალდებით დაკავებულის ადვოკატის პირველი კოემნტარი და მძიმე ბრალდება პოლიციას

სამართალი - 18:05, 22 Sep, 2020

5164

15 წლის ბიჭის შესაძლო გაუპატიურების საქმემ მთელი საქართველო შეძერა. დღეს "ნიუპოსტმა" ექსკლუზიურად გაავრცელა ინფორმაცია, რომ თბილისის ცენტრში, 15 წლის ბიჭის გაუპატიურების ბრალდებით, მისივე მეზობელი, 68 წლის მამაკაცი დააკავეს.

ჩვენი წყარო ყვებოდა, რომ ი.გ. ჯანმრთელობის პრობლემების მქონე ბავშვზე ჯერ კიდევ მაშინ ძალადობდა, როცა მოზარდი 11 წლის იყო. ბოლო ძალადობის ფაქტს კი ბავშვის მეზობელი შეესწრო და პოლიციას შეატყობინა.

დაკავებულის მეზობლები ამბობენ, რომ ადგილზე პოლიციის გამოჩენისა და სავარაუდო მოძალადის გამოკითხვის შემდეგ, მამაკაცმა გონება დაკარგა და საჭირო გახდა მისი კლინიკაში გადაყვანა.

დაკავებულის ოჯახის წევრები და მეზობლების ნაწილი პირად საუბრებში ამბობს, რომ ფაქტის არ სჯერათ, თუმცა ვერც იმას ასახელებენ, რა ინტერესი შეიძლება ჰქონდეს მეზობელს, რომელმაც პოლიცია გამოიძახა.

ამასთან, "ნიუპოსტის" ერთ-ერთმა ადგილობრივმა უთხრა ისიც, რომ ბრალდებულის ოჯახი ბავშვის მშობლებთან მოლაპარაკებასაც კი ცდილობდა, მეზობლებს კი ხელმოწერების შეგროვებას სთხოვდა, რომ მამაკაცი გაეთავისუფლებინათ.

დაკავებულის ადვოკატი, ალი ბადიროვი "ნიუპოსტთან" აღნიშნავს, რომ მის კლინენტს ჯანრთელობა იმდენად აქვს შერყეული, რომ ის ვინმესთან სექსუალური კავშირის დამყარებას ვერც კი შეძლებდა.

"ამ კაცს, ჯანმრთელობის სერიოზული პრობლემები აქვს. 20 წელიწადზე მეტია, რაც მარტოა, და ჯანრთელობის პრობლემის გამო, დაოჯახებაზე უარს აცხადებდა. პირდაპირ რომ ვთქვათ, სქესობრივი აქტის განხორციელება არ შეეძლო. ბრალდება თავიდან ბოლომდე მეზობლის ჩვენებაზეა აგებული. მეზობელმა კი დაინახა, როგორ შარდავდა ეზოში ი.გ. და როგორ უყურებდა მას არასრულწლოვანი. სხვა სერიოზული მტკიცებულება ამ საქმეში არ არსებობს. ეს მოხუცი კაცი შოკირებულია და დუმილის უფლებას"- აცხადებს ბადიროვი.

რაც შეეხება სურატების გადაღებასა და შემდეგ შანტაჟს, უფლებადამცველი ამბობს, რომ დაკავებულს მხოლოდ ერთი ტელეფონი აქვს და მასაც ფოტო-ვიდეო გადაღების ფუნქცია არ აქვს.

ადვოკატი "ნიუპოსტთან" სამართალდამცავთა მხრიოდან მოზარდზე განხორციელებულ ძალადობაზე საუბრობს:
"მოზარდსაც აქვს ჯანმრთელობის გარკვეული პრობლემა. პირადად ვესაუბრე მას და ამბობს, რომ პოლიცია მას ხელზე ჩქმეტდდა და ასე ცდილობვდა სასურველი ჩვენების მიღება - ეუბებოდა, რა უნდა ესაუბრა. ამას ბავშვის დედაც ადასტურებს"- აღნიშნავს ალი ბადიროვი.

შინაგან საქმეთა სამინისტრომ თბილისში მომხდარის შესახებ ოფიციალური განცხადება "ნიუპოსტზე" გასული მასალის შემდეგ გაავრცელა.

გომელაურის უწყების ინფორმაციით, "ბრალდებული მეზობლად მცხოვრებ არასრულწლოვან ბიჭთან, რამდენიმე წლის განმავლობაში, მისი ნების საწინააღმდეგოდ ამყარებდა სქესობრივ კავშირს, ფოტოსურათებს უღებდა და მომხდარის გახმაურების შემთხვევაში, ქონების განადგურებით და ოჯახის წევრების მოკვლით ემუქრებოდა. მამაკაცის მუქარას არასრულწლოვანი რეალურად აღიქვამდა, რის გამოც ის მომხდარს წლების განმავლობაში საიდუმლოდ ინახავდა".

გამოძიება წინასწარი შეცნობით არასრულწლოვნის გაუპატიურების ფაქტზე, საქართველოს სსკ-ის 137-ე მუხლის მე-4 ნაწილის ,,გ“ ქვეპუნქტით მიმდინარეობს.

ავტორი: დავით ჯაბაშვილი