არჩევნებში მხარდაჭერა თავისუფლების სანაცვლოდ თუ 150 000 დოლარისთვის დაწყებული დაპირისპირება - თბილისსა და პანკისში ჩატარებული სპეცოპერაციის დეტალები

სამართალი - 15:53, 21 Sep, 2020

1940

ტაჯიკი ბიზნესმენის გატაცაცების საქმე, შესაძლოა, არჩევნებს უკავშირდებოდეს - მსგავს მოსაზრებას პანკისელი სამოქალაქო აქტივისტი, სულხან ბორძიკაშვილი აჟრერებს.

ბორძიკაშვილი ფიქრობს, რომ ხელსიუფლება საქმეზე დაკავებული 4 პანკისელის სანაცვლოდ ხმების მოპოვებას შეეცდება.

როგორც ირკვევა, დაკავებულთაგან ერთი, ბაქარ ფარეულიძე, პანკისელი ბიზნესმენისა და სალაფიტური თემის ერთ-ერთი ლიდერის, ვახტანგ ფარეულიძის ძმაა.

ბიზნესმენი ფარეული ღიად ამბობს, რომ "ოცნების" მხარდამჭერი არ არის და შესაძლოა, მართველი გუნდი მას დაკავებული ძმის თავისუფლებით ევაჭროს.

"არჩევნები ახლოვდება, ფარეულიძისნაირი ადამიანი სჭირდებათ მხარდასაჭერად და გატაცება შეიძლება ამისთვის გამოიყენეს. ბიზნესმენი და გავლენიანი პირია და აქვს ისეთი შესაძლებლობები, რაც მთავრობას დააინტერესებს. ვფიქრობ, რომ გატაცების ერთადერთი მთავარი მიზეზი ეს არის", - ამბობს სულხან ბორძიკაშვილი.

თბილისსა და პანკისის ხეობაში ჩატარებული სპეცოპერაციების დროს ფარეულიძის ძმასთან ერთად დააკავეს მისი პირადი მძღოლი. სხვა დაკავებულებიც ბიზნესმენის გარემოცვის წევრები არიან.

ხეობაში ასახელებენ დაპირისპირების კიდევ ერთ ვერსიას - ადგილობრივები ჩაშლილ გარიგებაზე საუბრობენ. ერთ-ერთი ვერსიით დაპირისპირება ავტომობილების ყიდვა-გაყიდვას უკავშირდება.

დაკევებულთა ახლობლები ამბობენ, რომ ბრალდებულებმა ბიზნესმენებისგან 150 000 დოლარის ავტომობილები იყისდეს, თუმცა ისინი არ მიუღიათ, "რის გარკვევასაც შეეცადნენ".

დაკავებულების ოჯახის წევრები შესაძლო დაპირისპირებას არ გამორიცხავენ, თუმცა გატაცებას კატეგორიულად უარყოფენ.

ცნობილია, რომ ხმაურიანი სპეცოპერაციის შედეგად, პოლიციამ ნივთმტკიცების სახით 2 ცეცხლსასროლი იარაღი, ვაზნები, 2 აირის პისტოლეტი, ერთი ცალი დანა და ბეისბოლის 3 ხელკეტი ამოიღო.

დაკავებულებს ბრალს უახლოეს საათებში წარუდგენენ.