საქართველო ფულის გათეთრების მასშტაბურ საქმეში - ვინ გადარიცხა ჩვენი ქვეყნიდან 2 ტრილიონი რუსეთის ბანკში? (სკანდალური ჟურნალისტური გამოძიება)

პოლიტიკა - 13:28, 21 Sep, 2020

2010

საერთაშორისო გამომძიებელი ჟურნალისტთა გაერთიანება (ISIJ) ანგარიშს აქვეყნებს, რომელიც საქართველოში ფულის გათეთრების შესახებ ეჭვს აჩენს. გამოძიებით დგინდება, რომ ჯამში, საქართველოდან 2 ტრილიონის საეჭვო ტრანზაქციაა განხორციელებული. თანხას კი ის რუსი ოლიგარქები და ბიზნესმენები რიცხადვდნენ, რომლებიც ამერიკული სანქციების სიაში არიან მოხვედრილები. ე.წ. „შავ სიაშია“ რუსული ბერბანკიც, რომელშიც ჩვენი სახელმწიფოდან ფული გადაირიცხა.

საერთაშორისო გამომძიებელ ჟურნალისტთა გაერთიანების მიერ გამოქვეყნებულ დოკუმენტში ნაჩვენებია, რომ გადარიცხვები თიბისისა და საქართველოს ბანკიდან ხდებოდა. ტრანზაქციები ძირითადად რუსეთისა და ციურიხის მიმართულებით ამერიკის გავლით არის განხორციელებული. სწორედ ამერიკამ მიაწოდა მასალა გამომძიებელ ჟურნალისტებს, რათა ამ საკითხით დაინტერესებულიყვნენ.

ოპოზიციის აზრით, გამომდინარე იქიდან, რომ გადარიცხვების მესამედი რუსეთზე მოდის, ტრანზაქციებს მმართველი გუნდის წევრები ახორციელებენ. სახელისუფლებო ოპონენტები ამ საკითხით დაინტერესებასა და გამოძიების დაწყების ინიციატივას გამოთქვამენ.