აი ესაა ზუსტად ქოცობა, როცა გგონია რომ ჯოხს ჩაარჭობ და ამომრჩეველი მაინც პარტიის ნომერს შემოხაზავს

აი ესაა ზუსტად ქოცობა, როცა გგონია რომ ჯოხს ჩაარჭობ და ამომრჩეველი მაინც პარტიის ნომერს შემოხაზავს - გიგი უგულავა

პოლიტიკა - 12:45, 21 Sep, 2020

1072

ევროპული საქართველოს მაჟორიტარობის კანდიდატი ზუგდიდში, გიგი უგულავა, ნაციონალური მოძრაობის მიერ ზესტაფონი-ბაღდათი-თერჯოლა-ტყიბულის მაჟორიტარობის კანდიდატად, კახა გეწაძის დასახელებას ეხმაურება.

გიგი უგულავას თქმით, კახა გეწაძე არის პოლიტიკაში “მოჩალიჩე“ ტიპაჟი და მხოლოდ ფინანსური სარგებელი ადარდებს. უგულავა აღნშნავს, რომ ასეთი კანდიდატის დაყენება არის ამომრჩევლის აბუჩად აგდება და კახა გეწაძეს ბიძინას კაცის კაცს უწოდებს, რადგან როგორც უგულავა აღნიშნავს, გეწაძე ბიზნესმენ გიორგი კაპანაძის(რიჟას) პარტნიორია.

ესაა თქვენი "ადგილობრივი გენერალი"? ამისთვის ჩაშალეთ ერთიან მაჟორიტარებზე მოლაპარაკებები, ამას ვერ უთხარით უარი? კახა გეწაძე -politician? თქვენ რა ქვეყანა ჩალით გგონიათ დახურული?! ეს კაცი დღემდე რიჟას პარტნიორია, უფრო ზუსტად ხელის ბიჭი, (არ მოგესმათ! იმ რიჟასი, შეთითხნილი სპეცოპერაციით ივანიშვილს ჩემი თავი რომ დააჭერინა თქვენი პარტიის დაფინანსების ბრალდებით). იყო ყველაზე სამარცხვინო გამგებელი ზესტაფონში და ოლქის სხვა რაიონებს მისი არსებობა ან არ გაუგიათ ან ამბობენ - კიდევ კარგი ეს არ იყო ჩვენი გამგებელიო! ეს პერსონა არის პოლიტიკაში "მოჩალოჩე" ტიპაჟი, მარტო ფული და გამორჩენა რომ ადარდებს. აბა კარგად მოიკითხეთ 2013 წლის მერე სადმე რამე ბრძოლაში თუ გაუელვია. ასეთი ხალხის პოლიტიკიდან ჩამოშორება უნდა იყოს ამოცანა, არათუ მაჟორიტარადდაყენება. აი ესაა ზუსტად ქოცობა, როცა გგონია რომ ჯოხს ჩაარჭობ და ამომრჩეველი მაინც პარტიის ნომერს შემოხაზავს. ესაა სწორედ ამომრჩევლის აბუჩად აგდება, როცა ენმ გიგი წერეთელს რიჟას ანუ ბიძინას კაცის კაცს უყენებს კონკურენტად და ამას ამომრჩევლის მოთხოვნად ასაღებს. კახა გეწაძესთან შედარებით ზაზა გოროზიაც კი ბარუხ სპინოზაა.

ნამდვილდ გარდამტეხი ცვლილებების დროა ამ ქვეყანაში.“ -აცხადებს გიგი უგულავა.