როგორც ხარძიანმა ტვ-3 -ის ეთერში გადაცემაში "დიდი პოლიტიკა" განაცხადა, მას ლიკვიდაციით ემუქრებოდნენ და ციხეში არაადამიანურ პირობებში უწევდა 2 წლის განმავლობაში ყოფნა.

"მიუხედავად იმისა, რომ ჩემმა ოჯახის წევრებმა მათ გადაუფორმეს კუს ტბის აქციები, მაინც არ გამომიშვეს. "ჩემთან ერთად ვინც იჯდა საკანში პატიმარი მან ჩემთან აღიარა რომ ორივეს ცუდად გვქონდა საქმე და მან ჩვენებაშიც კი დაწერა რომ დათა ახალაია და თოფურიძე მობრძანდნენ და "ქილერას "ოთახში ჩემთვის საშინელებები უნდა ჩაეტარებინათ. ამის შემდეგ მე გავიქეცი და ვყვიროდი, რომ მოკვლას მიპირებდნენ, ჩემი ხმა პატიმრებმა გაიგეს და როგორც ჩანს მათ შეეშინდათ და გადაწყვიტეს ანგარიშსწორება გადაედოთ", - განაცხადა ბესო ხარძიანმა.

მისივე განცხადებით, დაკავებისას მას პირადად ვანო მერაბიშვილის ბრძანებით, პირში ჰეროინი ჩაუყარეს.