ვისაც სურს ერთპიროვნული მმართველობა, შეუძლია აარჩიონ სააკაშვილსა და ივანიშვილს შორის, ვისაც სურს გარდამტეხი ცვლილებები, მაშინ არჩევანი ევროპული საქართველოა

ვისაც სურს ერთპიროვნული მმართველობა, შეუძლია აარჩიონ სააკაშვილსა და ივანიშვილს შორის, ვისაც სურს გარდამტეხი ცვლილებები, მაშინ არჩევანი ევროპული საქართველოა - სერგი კაპანაძე

პოლიტიკა - 11:10, 21 Sep, 2020

779

ევროპული საქართველოს საარჩევნო შტაბის ხელმძღვანელი, სერგი კაპანაძე, მიხეილ სააკაშვილის განცხადებს ეხმაურება.

სერგი კაპანაძის თქმით, სააკაშვილის პოზიცია, რომ მას კოალიცია არ სურს, ნიშნავს, რომ მას სურს დაბრუნება წარსულში და ერთპიროვნულ, ერთპარტიულ მმართველობაში. კაპანაძემ აღნიშნა, რომ დღეს არჩევანი დგას მომავალსა და წარსულს შორის. კაპანაძე წარსულში ივანიშვილის და სააკაშვილის მმართველობას გულისხმობს, ხოლო მომავალში გარდამტეხ ცვლილებებს, რომლის კონკრეტული გეგმაც, კაპანაძის თქმით, ევროპულ საქართველოს აქვს.

„ჩვენ ყველამ კარგად ვიცით, რომ ივანიშვილს უნდა დღევანდელი ჭაობის დატოვება და სურს, რომ ისე გაგრძელდეს ყველაფერი , როგორც არის დღეს. როგორც ჩანს, სააკაშვილს, ასევე არ უნდა ცვლილებები და უნდა წარსულის დაბრუნება, სადაც თვითონ ჰქონდა ერთპიროვნული და ერთპარტიული ძალაუფლება. სწორედ ამას ნიშნავს მისი განცხადება, რომ მას არ უნდა კოალიცია, როგორც ჩანს, სააკაშვილის არ უნდა ცვლილებები ასევე, ამიტომ არჩევანი არის ძალიან მარტივი, როგორც თვითონ ამბობს, რომ არჩევანი არის სააკაშვილს და ივანიშვილს შორის არა, არჩევანი არის ერთიმხრივ, წარსულში დამბრუნებელ ძალებს, რომლებიც არიან ივანიშვილი და სააკაშვილი, სამწუხაროდ ესე პოზიციონირდა თვითონ და მეორემხრივ, არის ევროპული საქართველო, რომელსაც სურს ცვლილებები და უნდა, რომ ეს ერთპარტიული მმართველობა ერთხელ და სამუდამოდ დამთავრდეს, უნდა რომ წავიდეთ წინ, უნდა, რომ ეს ჭაობი შეიცვალოს და მოხდეს გარხდამტეხი ცვლილებები.

ამრიგად არჩევანი დღეს ასე დგას. ვისაც სურს ერთპიროვნული მმართველობა, შეუძლია აარჩიონ სააკაშვილსა და ივანიშვილს შორის, ვისაც სურს ცვლილებები და დღევანდელი მძიმე ეკონომიკური კრიზისის და ამ ჭაობის გადალახვა და წინ წასვლა, არჩევანი არის მაშინ ევროპული საქართველო.“ -სერგი კაპანაძე.