მე და ჩემ შვილს გვითვალთვალებენ - ამის შესახებ "ენმ"-ს ერთ ერთმა ლიდერმა და ისნის მაჟორიტარი დეპუტატობის კანდიდატმა, ხატია დეკანოიძემ საგანგებო ბრიფინგზე განაცხადა.

პოლიტიკოსი აცხადებს, რომ მას და მის ყველა წევრს უთვალთვალებენ და ფოტოებს უღებენ.

დეკანოიძე კონკრეტულ პიროვნებას, კრიმინალური პოლიციის მაღალჩინოსანს ასახელებს, რომელიც მის 21 წლის შვილს დაყვება.

მანქანა, რომელიც მის შვილს დაყვება და ფოტოებს უღებს, გლდანის განყოფილების თანამშრომელს, პეტრიაშვილს ეკუთვნის, რომელიც გლდანის პირველ განყოფილებაში მუშაობს.

დეკანოიძის თქმით, ხელისუფლება ოპონენტების დაშინებაზე მუშაობს.