დამატებით 80 თეთრი 1 კგ ყურძენზე - ლევან ბეჟაშვილი და გიორგი ბოტკოველი კახელ ფერმერებს შეხვდნენ

პოლიტიკა - 14:01, 16 Sep, 2020

873

ერთიანი ნაციონალური მოძრაობის მაჟორიტარობის კანდიდატი გურჯაანი-საგარეჯო-სიღნაღი დედოფლისწყაროს რაიონში ლევან ბეჟაშვილი და თელავი-ყვარელი-ახმეტა-ლაგოდეხის კანდიდატი გიორგი ბოტკოველი კახელ ფერმერებს შეხვდნენ.
გიორგი ბოტკოველის შეფასებით, რთველი, რომელიც ახლა მიმდინაორეობს, კახელი ფერმერებისთვის არაფრის მომტანია, რადგან მთვარობამ ყურძნის ჩაბარებაზე დამცინავი ფასები დააწესა.

"რქაწითელი 80 თეთრი ღირს, თან იმ პირობებში, როდესაც მოსახლეობას მინიმალური შესაძლებლობებიც აღარ აქვს, ჩინოვნიკები კი პორიქით - მდიდრდებია .
ამ ყველაფერთან ერთად, არსებობს კონკრეტული ფაქტები, როცა გლეხს ქარხანაში მიტანილ ყურძენზე წონაში ატყუებენ.
ზონალური ყურძენი , რომელიც გასულ წლებში 3.50 ღირდა, დღეს მისი ღირებულება 1,70 არ აღემატება" - აღნიშნა ბოტკოველმა.
ლევან ბეჟაშვილმა პრემიერობის კანდიდატ მიხეილ სააკაშვილის ინიციატივაზე გაამახვილა ყურადღება.

"ესაა ინიციატივა , რომელიც მევენახისთის რთველს რეალურის სიმდიდრის მომტან საქმიანობად აქცევს.
ინიციატივის ფარგლებში, როგორც თეთრ, ასევე შავ ყურძენზე თითოეულ გლეხს აუნაზღაურდება +80 თეთრი და თითოეული მათგანის შრომა რეალურად დაფასდება"- აღნიშნა ბეჟაშვილმა.