სამართალდამცავი, რომლის იდენტიფიცრებაც არ ხდება, აშშ–ის შტატ ჯორჯიადან, სამსახურიდან გათავისუფლებული იქნა მას შემდეგ, რაც ვიდეოკამერებმა მისი სასტიკი მოპყრობა დააფიქსირეს. მან შავკანიან მამაკაცს რამდენიმეჯერ დაარტყა.

კადრებზე ნათლად ჩანს, დაბლა დაწოლილი 26 წლის როდერიკ უოკერი და მასზე მუხლით შემდგარი ოფიცერი. ორი სამართალდამცავიდან ერთ–ერთი რამდენიმეჯერ ძლიერად ურტყამს მუშტს. დაკავებულის პატარა შვილები კი ამ ყოველივეს აკვირდებიან. ერთ–ერთი მათგანი ყვირის – „მამა“.

ისმის დაკავებულის ხმა – „ვერ ვსუნთქავ“, – ამბობს იგი, მეგობარი გოგონა კი სამართალდამცავებს მის გაშვებას სთხოვს.

ყველას კარგად ახსოვს სამართალდამცავების სასტიკი მოპყრობის შედეგად გარდაცვლილი ჯორჯ ფლოიდი, როგორც ჩანს პოლიციელები მომხდარით გამოწვეულ პროტესტს არ ითვალისწინებენ და მოგუდვით ადამიანის გაკავების ილეთს მაინც იყენებენ.

კლეიტონის სამართალდამცავმა უწყებამ გაავრცელა განცხადება იმის შესახებ, რომ სამართალდამცავის გათავისუფლებული იქნა სამსახურიდან.დაკავებულის ადვოკატის განცხადებით კი, ეს უკანასკნელი სამართალდამცავებმა ავტომობილით გადაადგილებისას გააჩერეს, რადგან უკანა ფარი არ უმუშავებდა, ავტომობილში მისი მეგობარი გოგო, 5 თვის ქალიშვიი და მცირეწლოვანი ვაჟი ისხდნენ.