დარწმუნებული ვარ, გადაუწყვეტელი ამომრჩევლის ხმების უმეტესობა ოპოზიციისკენ წავა

დარწმუნებული ვარ, გადაუწყვეტელი ამომრჩევლის ხმების უმეტესობა ოპოზიციისკენ წავა - კახა ოქრიაშვილი

პოლიტიკა - 14:27, 14 Sep, 2020

929

პარტია „პროგრესი და თავისუფლების“ წევრი, გაერთიანებული ოპოზიციის კანდიდატი დმანისის, წალკის, ბოლნისისა და თეთრიწყაროს სამაჟორიტარო ოლქში, კახა ოქრიაშვილი "ნიუპოსტთან" ამერიკის დემოკრატიული ინსტიტუტის კვლევის შედეგებს აფასებს და ამბობს, რომ NDI-ის კვლ;ევებს ენდობა.

კახა ოქრიაშვილის განცხადებით, ამომრჩეველი, რომელიც გამოკითხვისას არ ასახელებს თუ ვის მისცემს ხმას, ხელისუფლების მიერაა დაშინებული.

რაც შეეხება გადაუწყვეტელი ამომრჩევლის ხმებს, მისი თქმით, "ამ ხმების უმეტესობა ოპოზიციისკენ წავა".

"NDI-ს კვლევა არის ძალიან სანდო იმიტომ, რომ 2012 წელს მისი კვლევისა და საპარლამენტო არჩევნების შედეგები ერთმანეთს დაემთხვა. შეგიძლიათ, ინტერნეტში მოიძიოთ და ნახოთ, რომ 2012 წელს კვლევების მიხედვით „ნაციონალური მოძრაობა“ იღებდა 37%-ს და აიღო 40% - მხოლოდ სამპროცენტიანი ცდომილება იყო, რაც სავსებით ნორმალურია. კვლევის მიხედვით, 12%-ს იღებდა „ქართული ოცნება“, თუმცა უნდა აღინიშნოს, რომ 53%-ს ხმამაღლა არ გაუჟღერებია, ან გადაწყვეტილი არ ჰქონდა , თუ ვის მისცემდა ხმას. ციხის კადრების შემდეგ უკვე „ოცნებამ“ მიიღო 55%. დააჯამეთ ეს ორი რიცხვი და მიხვდებით, რომ NDI-ს კვლევები რეალურ სურათთან საკმაოდ ახლოს დგას.

ახლა რაც შეეხება იმ ამომრჩეველს, რომელსაც არ გადაუწყვეტია, თუ ვის მისცემს ხმას - რატომ ხდება ეს? იმიტომ, რომ მას ეშინია... წინა ხელისურლებაც აშინებდა, ეს ხელისუფლებაც აშინებს საზოგადოების წევრებს! უმწეოებს ეუბნებიან, რომ სოციალურ დახმარებას მოუხსნიან, პედაგოგებს დირექტორი ემუქრება, დირექტორს რესუსცენტრი და ასე შემდეგ"- კახა ოქრიაშვილი.

ცნობისთვის, ამერიკული კვლევითი ორგანიზაციის NDI-ის უახლესი კვლევის მიხედვით, გამოკითხული მოსახლეობის უმრავლსეობამ არ იცის ან არ ასახელებს კონკრეტულ პარტიას, რომელსაც ხმას მისცემს.

ამასთან, ხვალ რომ არჩევნები ტარდებოდეს, 59%-ს არ გადაუწყვეტია, ხმას ვის მისცემს - NDI.