"ქართული ოცნების" საპარლამენტო ლიდერი მამუკა მდინარაძე ამერიკის დემოკრატიული ინსტიტუტის ბოლო კვლევას აფასებს.

მისი თქმით, ეს კვლევა რეალური არ არის და მონაცემებს კაბინეტებიდან წერენ.

"სინამდვილეში არანაირი კვლევა ეს არ არის. კაბინეტებში, ოთახებში სხედან და იქიდან წერენ ამ მონაცემებს, თორემ სხვა შემთხვევაში სხვანაირი პასუხები იქნებოდა, კვლევის შედეგები იქნებოდა და 20-25%-ით არ აცდებოდა ხოლმე მერე საარჩევნო რეალობას და შედეგებს. აი, ამ ორგანიზაციების მიერ ჩატარებული კვლევები პირველ რიგში მოგვევლინებიან ხოლმე სხვა კომპონენტების სახით, ანუ პოლიტიკურ რეიტინგებს დებენ ბოლოს, ჯერ აჩენენ ნდობას.

ნუ გასაგებია, რომ ქართულ ეკლესიას, ქართულ ჯარს აქვს ხოლმე ყველაზე მაღალი რეიტინგი, ამას გამოგვიქვეყნებენ ჯერ და მერე გადადიან იმაზე, როგორი დაბალია ვთქვათ, მმართველი პარტიის მონაცემები". – ამბობს მდინარაძე.

ცნობისთვის, ამერიკული კვლევითი ორგანიზაციის NDI-ის უახლესი კვლევის მიხედვით, გამოკითხული მოსახლეობის უმრავლსეობამ არ იცის ან არ ასახელებს კონკრეტულ პარტიას, რომელსაც ხმას მისცემს.

ამასთან, ხვალ რომ არჩევნები ტარდებოდეს, 59%-ს არ გადაუწყვეტია, ხმას ვის მისცემს - NDI.