ევროპული საქართველოს საარჩევნო შტაბის ხელმძღავენლი, სერგი კაპანაძე, „გორბის“ კვლევას ეხმაურება, სადაც წინასაარჩევნოდ პარტიების რეიტინგებზეა საუბარი.

სერგი კაპანაძის თქმით, ეს კვლევა არ ასახავს რეალობას და მას ისეთივე ღირებულება აქვს, როგორიც „იმედის“ ინტერაქტივებს. კაპანაძემ აღნიშნა, რომ ბიძინა ივანიშვილი ცდილობს მოატყუოს საზოგადოება, თითქოს ხალხს არ სურს ცვლილებები, თუმცა ეს არ არის რეალობა და საზოგადოების უმრავლესობას გარდამტეხი ცვლილებები სურს.

„იმედის კვლევებს აქვს ისეთივე ღირებულება, როგორიც იმედის ინტერაქტივებს. რეალურად, ეს არის ქართული ოცნების მცდელობა, რომ მოატყუოს საზოგადოება თავისი პროპაგანდისტული მანქანის მეშვეობით, რომ საზოგადოებაში არავის ცვლილებები არ უნდა და ყველა არის კმაყოფილი ივანიშვილის მმართველობით. რეალურად, ყველამ ვიცით, რომ ეს ასე არ არის, საზოგადოება არის მზად მნიშვნელოვანი, გარდამტეხი ცვლილებებისათვის. სწორედ ამას ეწინააღმდეგება მსგავსი გაყალბებული კვლევებით ივანიშვილი და მისი პარტიული პროპაგანდის მანქანა იმედი. ამრიგად ამ კვლევას არავისთვის არანაირი ღირებულება არ აქვს.“ - განაცხადა სერგი კაპანაძემ