აპრილის შემდეგ 5 თვეზე მეტი გავიდა, მობილიზებული საწოლების რაოდენობა უნდა გაზრდილიყო და არა პირიქით შემცირებულიყო" - სერგო ჩიხლაძე მთავრობისა და ჯანდაცვის სამინისტრო ურთიერთგამომრიცხავ განცხადებებზე

პოლიტიკა - 20:55, 12 Sep, 2020

973

„სტრატეგია აღმაშენებლის" ერთ-ერთი ლიდერი სერგო ჩიხლაძე ქვეყანაში შემქნილ ეპიდვითარებას აფასება და აღნიშნავს, რომ მისთვის უცნობია რეალურად რას აკეთებს მთავრობა და ჯანდაცვის სამინისტორი შექმნილი კრიზისული მდგომარეობისდასაძალევად. ასევე ბუნდოვანია როგორია სახელმწიფო სტრატეგია კოვიდ 19-ის წინააღმდეგ საბრძოლველად, უფრო მეტიც, მთავრობასა და ჯანდაცვის სამინისტროს მხრიდან გაკეთებულ ურთიერთგამომრიცხავი მონაცემებით გაჯერებულ განცხადებებზეც საუბრობს.

„ჩვენ რომ შევაფასოთ ჯანდაცვის სფეროს და ზოგადად სახელმწიფოს სტრატეგიას კოვიდ 19-ის წინააღმეგ საბრძოლველად ამისათვის ჩვენ ჯერ უნდა ვიცოდეთ, თუ რას აკეთებს მთავრობა და ჯანდაცვის სამინისტრო. მათი გამოსვლები რომ შევაფასოთ, ხშირ შემთხვევაში, მათი ცალცალკე განცხადებები ურთიერთგამომრიცხავი მონაცემებითაა გაჯერებული. მთავრობის მტკიცებით, მობილიზებულია 784 საწოლი, მაშინ როცა, რამდენიმე დღის წინ ჯანდაცვის მინისტრმა განაცხადა, რომ 600 საწოლია მობილიზებული, უფრო მეტიც, აპრილში აცხადებდნენ,რომ 3 500 საწოლიამობილიზებული და კიდევ 10 000 მობილიზებააშესაძლებელი. როგორც ირკვევა, მათ მიერ დასახელებულ ციფრებში საკმაოდ დიდი განსხვავებაა, მით უფრო აპრილის მონაცემებსა და ახლანდელ მონაცემებს შორის. აპრილის შემდეგ გავიდა 5 თვეზე მეტი და მობილიზებული საწოლების რაოდენობა უნდა გაზრდილიყო და არა პირიქით შემცირებულიყო", - მიაჩნია ჩიხლაძეს.

მისივე განცხადებით, კოვიდ 19-თან სარძოლველად, ძალიან მნიშვნელოვანია, საჯარო ინფორმაციის მიწოდება და კომუნიკაცია საზოგადოებასთან. ჯანდაცვის სამინისტროს ივნისი-აგვისტოს ახალ სამოქმედო გეგმაში ამ საკითხს ერთ-ერთი პირველი ადგილი უკავია და ამ მხრივაც სერიოზული ჩავარდნა აქვს.

„განსაკუთრებით კი, რეგულაციების მოხსნის შემდეგ, რეგულაციების შესრულებასა და ზედამხედველობაზე, საზოგადოების ინფორმირებულობის დონე ძალიან დაბალია. ახალი საინფორმაციო კამპანია, კლიპი, სოციალური რგოლი და ა.შ. სამინისტროსგან მოსახლეობას არ მიუღია, მათ არ იციოდნენ თუ როგორ უნდა მოქცეულიყვნენ ისინი ზაფხულში, ამ მხრივ არაფერი არ გაკეთებულა და ამას თავადაც აღიარებენ. კორონა ვირუსი არსად წასულა და ამაზე ყველა ვთანხმდებით, იმაზე ლაპარაკი რომ 10-15-20 და 30 შემთხვევა შეიძლება ყოველთვის იყოს, ესეც მისაღები მაჩვენებელია.სწორედ ამ პირობებში გვჭირდებოდა ჩვენ მეტი მობილიზება, მეტი ინფორმირებულობა და მთავრობის მხრიდან მეტი მომზადება, რომ გეომეტრიული პროგრესით არ წასულიყო დღეს არსებული ციფრები. კოვიდ შემთხვევები რა თქმა უნდა იქნებოდა, თუმცა არავინ ჰქმნის ილუზიას, რომ ინფიცირებულთა რიცხვი განულდებოდა ან სულ ერთ მაჩვენებელზე ჩამოვიდოდა. სწორედ, მოსალოდნელი შედეგისთვის იყო საჭირო მომზადება," - აცხადებს ჩიხლაძე და აღნიშნავს, რომ სწორი საინფორმაციო კამპანია და სპეციალური მომზადება რა თქმა უნდა, შეცვლიდა დღეს არსებულ შედეგს.