მეუფე იაკობის მორიგუ მუქარა მედიას: "პასუხს მოვთხოვთ!"

პოლიტიკა - 19:52, 12 Sep, 2020

2028

მეუფე იაკობი მედიას ისევ დაუპირისპირდა. სასულიერო პირი ჟურნალისტებს ეკლესიასთან ბრძოლასა და სიცრუის ტირაჟირებაში ადანაშაულებს.

"რომელი ტელევიზიებიც გვიტევენ ეკლესიას კარგად გადახედონ ხელმძღვანელები ვინ არიან, იმ ხელმძღვანელებმაც იცოდნენ ყელში ამოგვივა და პასუხს მოვთხოვთ მაგათ, იმიტომ რომ მოსათხოვია და მოეთხოვებათ კიდეც"- თქვა ამბიონიდან მეუფე იაკობმა და ეკლესიის კრიტიკოსების მიმართ ხმის ამოღებისკენ მაღალი იერარქიის სხვა სასულიერო პირებსაც მოუწოდა.

"რამდენი ხანია ეკლესიაზე მიდის შეტევა ისევ პრესით, ტელევიზიით, მე ჟურნალისტებს არ ვაბრალებ ამას, ეს არის ტელევიზიების მეპატრონეები. შეკვეთას რასაც მისცემენ, ჟურნალისტი იმას გააკეთებს, რომელ თავისუფალ პრესაზე, ტელევიზიაზე ან ჟურნალისტზეა ლაპარაკი. ისინი დიქტორები არიან. რაღაცას შეუკვეთავენ, დაუწერენ და აკეთებენ, რამდენი წელია ეკლესიაზე მიდის ბრძოლა. სად იყავით თქვე დალოცვილებო 2008-ში, როცა ჩვენმა გმირებმა იბრძოლეს, სად დაიკარგნენ პოლიტიკოსები თუ გმირი ტელევიზიები. ეკლესია და პატრიარქი რომ არ ყოფილიყო გმირებსაც არ გადმოგვასვენებინებდნენ. ასეთი ბოროტების კეთება არ შეიძლება, - ამბობს ემუფე იაკობი.