ივანიშვილის ბოლო გამოსვლა იყო ხალხის უტიფარი დაცინვა, ამ სიღარიბეში, ამ უმუშევრობასა და გაჭირვებაში, ის პირდაპირ ეუბნება ხალხს, რომ კმაყოფილია ყველაფრით და ასე გაგრძელებას აპირებს

ივანიშვილის ბოლო გამოსვლა იყო ხალხის უტიფარი დაცინვა, ამ სიღარიბეში, ამ უმუშევრობასა და გაჭირვებაში, ის პირდაპირ ეუბნება ხალხს, რომ კმაყოფილია ყველაფრით და ასე გაგრძელებას აპირებს - გიგა ბოკერია

პოლიტიკა - 18:53, 12 Sep, 2020

893

ევროპულმა საქართველომ დღეს ქუთაისში პარტიის მაჟორიტარობის და მერობის კანდიდატები წარადგინა.

შეხვედრაზე, მოსახლეობას პარტიის ლიდერებმა მიმართეს, მათ შორის გიგა ბოკერიამ.

გიგა ბოკერიას თქმით, დღევანდელი ხელისუფლება მოსახლეობას დასცინის და უტიფრად ატყუებს. ბოკერიამ აღნიშნა, რომ ამ ყველაფერს სჭირდება გარდამტეხი ცვლილებები, რომელსაც ქართველი ხალხი 31 ოქტომბერს ერთად მოიტანს.

„ივანიშვილის ბოლო გამოსვლა იყო ხალხის უტიფარი დაცინვა, ამ სიღარიბეში, ამ უმუშევრობასა და გაჭირვებაში, ის პირდაპირ ეუბნება ხალხს, რომ კმაყოფილია ყველაფრით და ასე გაგრძელებას აპირებს. თუმცა თქვენთან ერთად ეს ყველაფერი შეიცვლება.

ქართველი ხალხი გაბრაზებულია, ამრიგად არ უნდა დავბრუნდეთ კვლავ უკან და წავიდეთ წინ, რათა მოხდეს გარდამტეხი ცვლილებები.

ჩვენ გვჭირდება არჩევნებზე მისვლა და იმის დემონსტრირება, რომ არ შევეგუებით ამ მდგომარეობას, მივიდეთ არჩევნებზე, უარი ვთქვათ უკუსვლაზე და ავირჩოთ მომავლის პოლიტიკოსები, ისეთი როგორიცაა ოთარ კახიძე და გიორგი კანდელაკი.“ - გიგა ბოკერია.