"მთავრობისგან მოვითხოვთ დეტალურ ანგარიშს, რათა საზოგადოება ინფორმირებული იყოს, და თუ საჭიროა ჩვენც შევიტანოთ ჩვენი გარკვეული წვლილი ქვეყანაში შექმნილი კრიზისის დაძლევაში"

"მთავრობისგან მოვითხოვთ დეტალურ ანგარიშს, რათა საზოგადოება ინფორმირებული იყოს, და თუ საჭიროა ჩვენც შევიტანოთ ჩვენი გარკვეული წვლილი ქვეყანაში შექმნილი კრიზისის დაძლევაში" - სერგო ჩიხლაძე

პოლიტიკა - 17:30, 12 Sep, 2020

779

„სტრატეგია აღმაშენებლის" ერთ-ერთი ლიდერი სერგო ჩიხლაძე ქვეყანაში კორონავირუსის 158 ახალიშემთხვევას ეხმაურება და ჯანდაცვის სამინისტროსგან შექმნილი მდგომარეობდან გამოსავლის დეტალურ ანგარიშს ითხოვს. ამასთან, აცხადებს რომ „სტრატეგია აღმაშენებლი" მზად არის, შექმნილი კრიზისის დაძლევაში საკუთარი წვლილი შეიტანოს და მოქმედ მთავრობას მყისიერი ნაბიჯების გადადგმაში დახმარებას სთავაზობს.

„ქვეყანაში კოვიდ 19 დაინფიცირებულთა რიცხვი გეომეტრიული პროგრესიით იზრდება, მონაცემები ყოველდღიურად მზარდია, რაც სახელმწიფოს მხრიდან მიზანმიმართულ და გამართულ ქმედებებს მოითხოვს. ჩვენი მოთხოვნაა, ჯანდაცვის სამინისტრომ და უწყებათაშორისო საბჭომ წარმოადგინოს დეტალური ანგარიში, თუ როგორ უმკლავდება კრიზისს მოქმედი მთავრობა, რა დონეზეა მომზადებული ქვეყანა, რამდენი სტაციონარია, რამდენი საწოლია, სად არის გადანაწილებული, არსებობს თუ არა ტესტების მარაგი, სად კეთდება ტესტირება და რამდენ ლოკაციაზე, შესაბამისად, ჯანდაცვის სამინსიტორს მხრიდან გაჟღერებული 21 ლოკაცია საკმარისი არ არის , როგორ ხდება მობილური ადგილების შექმნა, მათ შორის, დრაივების, რაც მთავრობის სტრატეგიაშია აღწერილი. ყველა აღნიშნულსაკითხზე მოვითხოვთ დეტალურ ანგარიშს, რათა საზოგადოება ინფორმირებული იყოს, და თუ საჭიროა ჩვენც შევიტანოთ ჩვენი გარკვეული წვლილი ქვეყანაში შექმნილი კრიზისის დაძლევაში, რადგან მოგეხსენებათ „სტრატეგია აღმაშენებელმა" ტესტირების მექანიზმისა და პუნქტების გაშლის მთელი ქვეყნის მასშტაბით, დეტალური ალგორითმი, ჯერ კიდევ აპრილში შექმნა, " - სერგო ჩიხლაძე