"უნდა მოხდეს სახელმწიფო ქონებაში არსებული მიწის გადაცემა ხალხისათვის, შენობები, რომლებიც სახელმწიფო საკუთრებაშია და ყოველწლიურად არის წამგებიანი, უნდა გადაეცეს ადგილობრივ მოსახლეობას

"უნდა მოხდეს სახელმწიფო ქონებაში არსებული მიწის გადაცემა ხალხისათვის, შენობები, რომლებიც სახელმწიფო საკუთრებაშია და ყოველწლიურად არის წამგებიანი, უნდა გადაეცეს ადგილობრივ მოსახლეობას - ზურაბ ჩილინგარაშვილი

პოლიტიკა - 11:12, 12 Sep, 2020

1241

ევროპული საქართველოს ლიდერმა, დავით ბაქრაძემ, ასპინძისა და ბორჯომის მოსახლეობას პარტიის მაჟორიტარობის კანდიდატი სამცხეში, ზურაბ ჩილინგარაშვილი წარუდგინა.

შეხვედრისას, დავით ბაქრაძემ და ზურაბ ჩილინგარაშვილმა მოსახლეობას პარტიის ეკონომიკური პროგრამა წარუდგინეს. ზურაბ ჩილინგარაშვილის თქმით, სახელმწიფო ქონებაში არსებული მიწების ხალხისთვის გადაცემა მეტ კეთილდღეობას მოუტანს თითოეულ ადამიანს. დავით ბაქრაძემ აღნიშნა, რომ ევროპული საქართველო, თავისი ხედვით, იქნება კომპასი გარდამტეხი ცვლილებებისთვის.

„უნდა მოხდეს სახელმწიფო ქონებაში არსებული მიწის გადაცემა ხალხისათვის, შენობები, რომლებიც სახელმწიფო საკუთრებაშია და ყოველწლიურად არის წამგებიანი, უნდა გადაეცეს ადგილობრივ მოსახლეობას. ევროპული საქართველო იქნება ამ მოსახლეობის კომპასი გარდამტეხი ცვლილებებისათვის. მე კი ვიქნები ამ ხალხის ხმა და წარმომადგენელი პარლამენტში, შევეცდები ყველანაირად დეავიცვა მათი უფლებები.“ - განაცხადა ზურაბ ჩილინგარაშვილმა.

„ეს რეგიონი არის კიდევ ერთი მაგალითი იმის, რომ რაიონს ჰქონდეს მაღალი შემოსავალი და ხალხი ცხოვრობდეს ძალიან გაჭირვებულად. ამ ხელისფლებამ უკან წაიყვანა ქვეყანა არასწორი მმართვით და არაეფექტური ეკონომიკური პოლიტიკით. ევროპული საქართველო არის ის კვალიფიციური გუნდი, რომელიც იქნება კომპასი სწორი გზის მოსაძებნად და იმ გარდამტეხი ცვლილებების გასატარებლად, რომელიც ქვეყანა სგამოიყვანს ეკონომიკური კრიზისიდან და მოაგვარებს იმ პრობლემებს, რომელიც დღეს აწუხებს მოსახლეობას.“ - განაცხადა დავით ბაქრაძემ.