გარდაცვლილი ნინო გვასალიას დედა სოციალურ ქსელში მადლობას უხდის ყველას ვინც მისი და მისი ოჯახის დახმარებას, თუნდაც თანადგომით ცდილობდა: 

„ყველას დიდი მადლობა, ვისაც ნინო უყვარს, ვისაც ახსოვს და ვისაც დააკლდა, ვინც არასოდეს დაივიწყებს... ვინც გვითანაგრძნო, ვინც ძებნაში გვეხმარებოდა.... მისი გადარჩენა სულ იოლად შეიძლებოდა თურმე - ცოტა მეტი ყურადღებით და ნაკლები ეგოიზმით - სწორედ ეს მკლავს! სიტყვები ვერ მანუგეშებს, ნუ დაიღლებით, მე მხოლოდ ჩემი ჭკვიანი და არაჩვეულებრივი ნინო მინდა უკან, ცოცხალი................

რაც შეეხება კომენტარებს, რასაც სხვადასხვა ადგილებზე წერენ, მათ ავტორებს ძალიან უნდა ეშინოდეთ, - ნინო ისეთი მართალი და სპეტაკი ადამიანია, აუცილებლად უკან დაუბრუნდება ყველას თავისივე სიბილწე!!! 

დიდი მადლობა რჩევებისთვის, მაგრამ ვინც ნინოს იცნობს, ყველამ იცის, - ნინოს არ სჭირდება საქმის ჩაწყობა ღმერთთან, არც ზარი ყუფარაძეებისა და სიკინჭილაშვილებისაგან! ნინოს სჯეროდა, თუ მართლად და სწორად იცხოვრებდი, ღმერთი (თუკი, მსგავსი უღმერთობის შემდეგ, იგი კიდევ არსებობს), თავად მიგიჩენდა კუთვნილ ადგილს, რადგან, მხოლოდ საკუთარი კანონებით ხელმძღვანელობს და არა იმპროვიზებულით...

ნინო კი ანგელოზია, ყველა მნიშვნელობით და არანაირი შუამდგომლობა, განსაკუთრებით ყოფილი კრიმინალებისგან - არ სჭირდება!!! ნინოს ადგილი ანგელოზებთანაა და იქ იქნება კიდეც.... 

ვაი, რომ მე ვერასოდეს შევხვდები…“, - წერს ლალი ცინცაძე.