"ინფიცირებულთა რაოდენობა იზრდება, თუმცა პანიკის საფუძველი არ არსებობს"- პრემიერი

პოლიტიკა - 15:13, 11 Sep, 2020

1523

საქართველოს პრემიერ მინისტრი გიორგი გახარია ამბობს, რომ ინფიცირებულთა რაოდენობის მატების მიუხედავად, პანიკის საფუძველი არ არსებობს და მთავრობა ეპიდვითარებას მართავს.

"დღეს საქართველოში ინფიცირებულების რაოდენობის ზრდასთან დაკავშირებით არანაირი პანიკის საფუძველი არ არსებობს, რამეთუ, როგორც ეპიდემიოლოგები, კლინიკური ჯგუფი და მთავრობა, სრულად აკონტროლებენ სიტუაციას და მართავენ. ეს იმას არ ნიშნავს, რომ დამატებითი ღონისძიებები და სიმკაცრე არ უნდა გამოვავლინოთ, ჩვენთვის დღეს ყველაზე მნიშვნელოვანი დადგენილი წესების შესრულებაში დისციპლინის გამოჩენაა"- თქვა მთავრობის მეთაურმა.
გიორგი გახარიას თქმით, ქვეყანა მზად არაა მკაცრი ეკონომიკური შეზღუდვები დააწესოს.
"ჩვენ არ ვაპირებთ და არ ვართ მზად იმისთვის, რომ მკაცრი ეკონომიკური შეზღუდვები დავაწესოთ", - თქვა გიორგი გახარიამ.

გახარიას თქმით უახლოეს პერიოდში საქართველოში დღეში 10 000-მდე PCR ტესტირება გაკეთდება და ჯანდაცვის სამინისტროს მიეცა დავალება უაახლოეს დღეებში 3 000 საწოლი იყოს მზად საავადმყოფოებში.

"ყველაზე მნიშვნელოვანია უკვე მიღებული ღონისძიებების აღსრულების დისციპლინა. მოქალაქეობრივი პასუხისმგებლობაა მნიშვნელოვანი"- დასძინა მან.