ეუთოს საპარლამენტო ასამბლეის პრეზიდენტი, ევროპული საქართველოს წევრი, გიგი წერეთელი, დანიის პარლამენტის თავჯდომარეს და საგარეო საქმეთა მინისტრს შეხვდა.

გიგი წერეთლის თქმით, შეხვედრაზე მათ იმსჯელეს მნიშვნელოვან საერთაშორისო თემებზე, ამავდროულად, გამახვილდა ყურადღება ოქტომბრის საპარლამენტო არჩევნებზე საქართველოში. გიგი წერეთელმა აღნიშნა, რომ მნიშვნელოვანია არჩევნებზე იყვნენ საერთაშორისო დამკვირვებლები და ის მაღალი სტანდარტით და იმ მოთხოვნებით ჩატარდეს, რომელიც ეუთოს აქვს, რათა საქართველომ მოიპოვოს საერთაშორისო მხარდაჭერა პარტნიორებისაგან.

„დანიის პარლამენტის თავჯდომარესთან და საგარეო საქმეთა მინისტრთან შეხვედრებზე, ჩვენ ვისაბრეთ მნიშვნელოვან საერთაშორისო თემებზე, ეს არის კორონავირუსი, ბელორუსი, კონფლიქტები, მაგრამ ასევე ვისაუბრეთ საქართველოზეც, საქართველოში მიმდინარე საარჩევნო კაპმანიაზე და იმის აუცილებლობაზე, რომ პირველი, ოქტომბრის არჩევნებზე იყვნენ საერთშორისო დამკვირვებლები და მეორე, რომ ეს არჩევნები უნდა ჩატარდეს მაღალი სტანდარტით, დემოკრატიულად, იმ მოთხოვნებით, რაც აქვს ეუთოს. მხოლოდ ასე შეიძლება საქართველომ მოიპოვოს საერთაშორისო მხარდაჭერა ჩვენი პარტნიორების მხრიდან.“ - განაცხადა გიგი წერეთელმა