ქართული ოცნების მაჟორიტარების ერთადერთი ამოცანა იყო, რომ ისინი ყოფილიყვნენ უფრო მდიდარი, ვიდრე ხალხი და მათ მოეგოთ სახელმწიფო ტენდერები და ფული შეეტანათ პარტიულ ყულაბაში

ქართული ოცნების მაჟორიტარების ერთადერთი ამოცანა იყო, რომ ისინი ყოფილიყვნენ უფრო მდიდარი, ვიდრე ხალხი და მათ მოეგოთ სახელმწიფო ტენდერები და ფული შეეტანათ პარტიულ ყულაბაში - სერგი კაპანაძე.

პოლიტიკა - 12:59, 11 Sep, 2020

608

ევროპული საქართველოს საარჩევნო შტაბის ხელმძღავენლი, სერგი კაპანაძე, „საერთაშორისო გამჭირვალობა საქართველოს“ კვლევას ეხმაურება, სადაც საუბარია ქართული ოცნების მაჟორიტარი კანდიდატების სამეწარმეო საქმიანობასა და პოლიტიკურ შემოწირულობებზე.

სერგი კაპანაძის თქმით, ქართული ოცნების მაჟორიტარებისათვის არასდროს არ ყოფილა ამოცანა ქვეყანაში არსებული სიღარიბისა და უმუშვერობის დაძლევა, თუნდაც ადგილობრივ დონეზე. კაპანაძემ აღნიშნა, რომ ამ მაჟორიტარებისათვის მთავარი ამოცანა იყო მათი კომპანიების სახელმწიფო ტენდერებში მოგება და შემდეგ თანხის შეტანა პარტიულ ყულაბაში.

„ის თუ როგორი მაჟორიტარები ჰყავდა ქართულ ოცნებას, კარგად მეტყველებს იმაზე, თუ როგორ მართავდა ქვეყანას და როგორი დამოკიდებულება ჰქონდა ქვეყანაში არსებული პრობლემების მიმართ. ივანიშვილის მმართველობის არცერთ ეტაპზე, ამოცანა არ ყოფილა არც სიღარიბის დაძლევა და არც ქვეყნის გამდიდრება. ამოცანა იყო, რომ მისი მაჟორიტარები ყოფილიყვენ კარგად, მისი მაჟორიტარები ყოფილიყვენ უფრო მდიდარი, ვიდრე ხალხი და ამ მაჟორიტარებს შემდეგ ფული შეეტანათ პარტიულ ყულაბაში და მოეგოთ ტენდერები. არანაირი განზრახვა ამ მაჟორიტარებს არ ჰქონიათ, რომ მაგალითად ხელფასი გაზრდილიყო, უმუშევრობა შემცირებულიყო, ან რაიმე პრობლემა გადაეწყვიტათ ადგილობრივ დონეზე.“ - განაცხადა სერგი კაპანაძემ.