ეს არის გუნდი, რომელიც შერჩეულია არა იმ პრინციპით, რომ ქვეყანა წაიყვანოს წინ და ამ ჭაობიდან გამოიყვანოს, არამედ, იმ პრინციპით, რომ უტყვად შეასრულოს ბიძინა ივანიშვილის დავალებები

ეს არის გუნდი, რომელიც შერჩეულია არა იმ პრინციპით, რომ ქვეყანა წაიყვანოს წინ და ამ ჭაობიდან გამოიყვანოს, არამედ, იმ პრინციპით, რომ უტყვად შეასრულოს ბიძინა ივანიშვილის დავალებები - სერგი კაპანაძე

პოლიტიკა - 12:51, 11 Sep, 2020

645

ევროპული საქართველოს საარჩევნო შტაბის ხელმძღვანელი, სერგი კაპანაძე, ქართული ოცნების საარჩევნო პატრიულ სიას ეხმიანება.

სერგი კაპანაძის თქმით, გუნდი, რომელიც გუშინ ქართულმა ოცნებამ წარადგინა, არ არის გუნდი, რომელიც ქვეყანას გამოიყვანს მძიმე ეკონომიკური კრიზისიდან. კაპანაძემ აღნიშნა, რომ ეს გუნდი შეირჩა იმ პრინციპით, რომ ისინი ბიძინა ივანიშვილის ერთგულები არიან. სერგი კაპანაძის თქმით, ქართულ ოცნებას გუშინდელ პრეზენტაციაზე არ წარუდგენია არცერთი კონკრეტული გეგმა, თუ როგორ უნდა გამოვიდეს ქვეყანა კრიზისიდან. კაპანაძის თქმით, ქართული ოცნებისგან ევროპული საქართველო განსხვავდება იმით, რომ ამ გუნდს აქვს კონკრეტული ხედვა, თუ როგორ უნდა მოხდეს გარდამტეხი ცვლილებები.

„გუნდი, რომელიც გუშინ წარადგინა ქართულმა ოცნებამ, არ არის გუნდი, რომელიც ქვეყანას გამოიყვანს იმ ეკონომიკური კრიზისდან, რაც დღეს გვაქვს. ეს არ არის გუნდი, რომელიც დაძლევს სიღარიბეს, ეს არ არის გუნდი, რომელიც შეაჩერებს მიგრაციას, ეს არ არის გუნდი, რომელიც გაზრდის ხელფასს და მეტ ფულს დაუტოვებს ოჯახებს. ეს არის გუნდი, რომელიც შერჩეულია არა იმ პრინციპით, რომ ქვეყანა წაიყვანოს წინ და ამ ჭაობიდან გამოიყვანოს, არამედ, იმ პრინციპით, რომ უტყვად შეასრულოს ბიძინა ივანიშვილის დავალებები. ამიტომ არ ვიცნობთ ჩვენ ამ ადამიანების უმრავლესობას, ან ვიცნობთ მათი ივანიშვილის მიმართ ერთგულებით და არა სხვა კრიტერიუმით. განსხვავება ევროპული საქართველოს გუნდსა და ამ გუნდს შორის არის ის, რომ ჩვენ გვაქვს სწორი ხედვა წინ როგორ წავიდეთ, ჩვენ ვართ ფოკუსირებული არა რაღაც ერთგულებაზე, არა ერთი ადამიანისადმი დამორჩილებაზე, არამედ სწორ ხედვაზე, თუ რა უნდა გავაკეთოთ იმისათვის, რომ ქვეყანა წავიდეს წინ. საგულისხმოა, რომ გუშინ, პრეზენტაციაზე, არცერთ სპიკერს არ უსაუბრია გეგმებზე, ხედვებზე და იმაზე, თუ რა უნდა გაკეთდეს ამ ეკონომიკური კრიზისის დასაძლევად.“ - განაცხადა სერგი კაპანაძემ