ევროპული საქართველოს მაჯორიტარობის კანდიდატის ტყიბულის, თერჯოლის, ზესტაფონისა და ბაღდათის ოლქში, გიგი წერეთლის თქმით, დღეს საზოგადოებაში გარდამტეხი ცვლილებების მოლოდინია, სოფლებში არის მძიმე ინფრასტრუქტურული, ეკონომიკური თუ სოციალური პრობლემები, რომლებსაც ადგილობრივი ხელისუფლება ყურადღებას არ აქცევს. წერეთელი აღნიშნავს, რომ გარდამტეხი ცვლილებები მოიტანს ახალ, განვითარების იმპულსს ქვეყანაში.

„საარჩევნო შეხვედრებზე ყველასგან მესმის, რომ მნიშვნელოვანი, გარდამტეხი ცვლილებებია საჭირო ოქტომბერში. არსებული ვითარების შენარჩუნება ხელისუფლების და მათი აქტივისტების გარდა არავის სურს.

ადამიანებს სამუშაო და ელემენტარული საცხოვრებელიპირობები არ აქვთ, წყალს შორიდან ეზიდებიან, ბევრ სოფელში საშინელი გზებია, პენსია და სოციალური დახმარება ყველაფერზე გაზრდილი ფასების გამო არაფერში ყოფნით, მუდმივი ვალები მძიმედ აწევს თითქმის ყველა ოჯახს. ამავდროულად ხედავენ არასწორად დახარჯულ საბიუჯეტო სახსრებს და უყურადღებობას ადგილობრივი ხელისუფლების , რომელთაც ახლა მხოლოდ საარჩევნო ხმები აინტერესებთ.

დაუცველობას და უიმედობას გრძნობს უმეტესობა. ამიტომ გარდამტეხი ცვლილებები მოიტანს ახალ, განვითარების იმპულსს ქვეყნისთვის და ისევ საინტერესოს გახდის საქართველოს მსოფლიოსათვის.დაბალი გადასახადები, მცირე ბიუროკრატია, სანდო სასამართლო, საზოგადოების დაცული უფლებები, საშუალებას მოგვცემს სწრაფი ეკონომიკური წინსვლის და სიღარიბის შემცირების.“ - აცხადებს გიგი წერეთელი.