კორონაკრიზისის გარეშეც, სოფლის ექიმი და ექთანი ადგილებზე ჯანდაცვის სისტემის საყრდენი უნდა იყოს, სოფლის ამბულატორიის როლი მით უმეტეს იზრდება ეპიდემიის შემოტევის პირობებში

კორონაკრიზისის გარეშეც, სოფლის ექიმი და ექთანი ადგილებზე ჯანდაცვის სისტემის საყრდენი უნდა იყოს, სოფლის ამბულატორიის როლი მით უმეტეს იზრდება ეპიდემიის შემოტევის პირობებში - ზურაბ ჭიაბერაშვილი

პოლიტიკა - 15:26, 09 Sep, 2020

868

ევროპული საქართველოს მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, ლაგოდეხის მუნიციპალიტეტის სოფლებში ამბულატორიების ინფრასრტრუქტურულ გაუმართაობაზე საუბრობს.

ზურაბ ჭიაბერაშვილის თქმით, სოფლებში ამბულატორიის რემონტი, ტენდერით გათვალისწინებული ხელშეკრულებით, 2020 წლის მარტში უნდა დასრულებულიყო, თუმცა დღეს ისინი კვლავ უფუნქციოა. ჭიაბერაშვილმა აღნიშნა, რომ პანდემიის გარეშეც, მნიშვნელოვანია სოფლის ექიმისა და ამბულატორიის როლი სოფელში.

"კორონაკრიზისის გარეშეც, სოფლის ექიმი და ექთანი ადგილებზე ჯანდაცვის სისტემის საყრდენი უნდა იყოს. სოფლის ამბულატორიის როლი მით უმეტეს იზრდება ეპიდემიის შემოტევის პირობებში.

ყველას გვინდა, კახეთი, და მთელი საქართველოც, "მწვანე რეგიონად" დარჩეს, მაგრამ სისტემის მზაობა აუცილებელია. კრიზისის დაწყების დღიდან ჯანდაცვის სამინისტროს ამისკენ მოვუწოდებთ.

ლაგოდეხის რაიონის სოფელ თამარიანში ისეთივე მდგომარეობაა, როგორიც არეშფერანში და მაწიმში. ამბულატორიის რემონტი 2019 წელს ჩატარდა და, ტენდერის პირობების მიხედვით, 2020 წლის მარტში უნდა გახსნილიყო. ამ ვადამ რამდენჯერმე გადაიწია, თუმცა ამბულატორიაში ჯერ ავეჯიც კი არაა შეტანილი და არავინ იცის, როდის გაიხსნება იგი.

ქართული ოცნება გვპირდებოდა, რომ სამედიცინო სისტემას მოაგვარებდა, მაგრამ ჩვენ ვხედავთ სოფლის ამბულატორიებს, რომლებიც ინფრასტრუქტურულად გაუმართავია და უფნქციო. ეს არის მკაფიო ნიშანი იმისა, თუ როგორ მოემზადა ეპიდემიის მეორე ტალღისთვის ხელისუფლება. კარგად ჩანს, თუ როგორ მოემაზადა კორონაკრიზისის დაწყებიდან 8 თვის შემდეგაც ხელისუფლება.“ - განაცხადა ზურაბ ჭიაბერაშვილმა.