ბოკუჩავა: ივანიშვილი მონურ მორჩილებაში გამოცდილი პირებით აკომპლექტებს სიას

პოლიტიკა - 12:52, 09 Sep, 2020

1012

საპარლამენტო ფრაქცია "ერთიანი ნაციონალური მოძრაობის" წარმომადგენელი თინა ბოკუჩავა მიიჩნევს, რომ მმართველი პარტიის სიაში ვინ რა ნომრით იქნება წარმოდგენილი ამას მნიშვნელობა არ აქვს, რადგან "ქართული ოცნება" მარცხისთვისაა განწირული.

როგორც "ნიუპოსტს" ბოკუჩავამ უთხრა, სწორედ ამიტომ ვერ ვხედავთ სიში ახალ, კეთილსინდისიერ სახეებს.

"სრულიად უინტერესოა რა თანმიმდებრობით იქნებიან წარმოდგენილები ივანიშვილის პაიკები "ქართული ოცნების" 2020 წლის საპარლამენტო არჩევნების სიაში.

ფაქტია, რომ ახალ, საინტერესოს, პერსპექტივის მქონეს, არაკორუმპირებულს და კეთილსინდისიერს ივანიშვილი ვერავის იზიდავს, რადგან გარდაუვალი მათი კრახი.

ის არჩევს ისევ ძველ სახეებს, მონურ მორჩილებაში გამოცდილ პერსონალიებს, რომლებითაც დამარცხების არჩევნებში აპირებს შესვლას"- განაცხადა დეპუტატმა "ნიუპოსტთან".

ცნობისთვის, "ქართული ოცნება" 10 სექტემბერს პროპორციული საარჩევნო სიის ოცეულს წარადგენს. ამ დროისთვის არსებული ინფორმაციით, სიაში არ არის ქვეყნის არაფორმალური მმართველი და პარტიის თავმჯდომარე ბიძინა ივანიშვილი.

სამთავრობო კულისებიდან გამოჟონილი ინფორმაციის თანახმად, პროპორციული სიის სათავეში მოქმედი პრემიერ-მინისტრი გიორგი გახარია იქნება.

ბიძინა ივანიშვილთან შეთანხმებულ სიაში მეორე ადგილს იკავებს პარლამენტის თავმჯდომარე არჩილ თალაკვაძე.

სიის ხუთეულში მოხვდა იუსტიციის მინისტრი თეა წულუკიანი. მას მოსდევს თავდაცვის მინისტრი ირაკლი ღარიბაშვილი, რომელიც ივანიშვილმა პოლიტიკაში ცოტა ხნის წინ დააბრუნა.