"ოცნების“ სიაში ივანიშვილი არ არის - ვინ არიან ოლიგარქის რჩეულები

პოლიტიკა - 11:04, 09 Sep, 2020

2486

"ქართული ოცნება" 10 სექტემბერს პროპორციული საარჩევნო სიის ოცეულს წარადგენს. ამ დროისთვის არსებული ინფორმაციით, სიაში არ არის ქვეყნის არაფორმალური მმართველი და პარტიის თავმჯდომარე ბიძინა ივანიშვილი.

სამთავრობო კულისებიდან გამოჟონილი ინფორმაციის თანახმად, პროპორციული სიის სათავეში მოქმედი პრემიერ-მინისტრი გიორგი გახარია იქნება.

ბიძინა ივანიშვილთან შეთანხმებულ სიაში მეორე ადგილს იკავებს პარლამენტის თავმჯდომარე არჩილ თალაკვაძე.

სიის ხუთეულში მოხვდა იუსტიციის მინისტრი თეა წულუკიანი. მას მოსდევს თავდაცვის მინისტრი ირაკლი ღარიბაშვილი, რომელიც ივანიშვილმა პოლიტიკაში ცოტა ხნის წინ დააბრუნა. სიის ოცეულშია ასევე ირაკლი კობახიძეც.

გავრცელებული ინფორმაციით, "ოცნების" სიაში ყოფილი ჟურნალისტი და კომინიკაციების კომისიის ხელმძღვანელის მეუღლე, ეკა ბერიძეც მოხვდა. დაუდასტურებელი ინფორმაციით, ოცეულში მოხვდნენ ელისო ბოლქვაძე და ნინო კობახიძე.

ცნობილია, რომ საარჩევნო სიაში აღარ იქნებიან ნუკრი ქანთარია, იოსებ მაკრახიძე და თემურ ჭკუასელი.

2020 წლის საპარლამენტო არჩევნები საქართველოში 31 ოქტომბერს ჩატარდება.

გამარჯვებისთვის 66 პოლიტიკური პარტია იბრძვის.