სილამაზის კონკურსი რომელსაც გორში მოქმედი სამოდელო სააგენტო "best models" უკვე მეორე წელია მართავს წითელი ხალიჩის ცერემონიალით გაიხსნა, შოუბიზნესის წარმომადგენლები, კონკურსის ორგანიზატორები და საღამოს წამყვანები 16 მონაწილესთან ერთად ღონისძიების დაწყებამდე სპეციალურად გორის საკონცერტო დარბაზის წინ მოწყობილ წითელ ხალიჩაზე გამოჩნდნენ.

ცოტა ხანში კი, ღონისძიებაც დაიწყო, სადაც რეგიონის მაშტაბით შერჩეული 16 ულამაზესი გოგონა ფართო აუდიტორიის წინაშე თავისუფალი სტილის სამოსით, კოქტეილის და საღამოს კაბებით წარსდგნენ.

საღამოს რადიო თრიალეთის წამყვანები ნიკა გაბლიშვილი და მაკა კოჭლამაზაშვილი უძღვებოდნენ.

6 ადამიანისაგან დაკომპლექტებულმა ჟიურიმ 8 ნომინაცია და გამარჯვებული გამოავლინა. მის მოდელი ანი კაბულაშვილი, მის ექსტრავაგანტულობა თიკო შოშიაშვილი, მის მომხიბვლელობა თათია გოდერძიშვილი, მის ფოტოგენურობა სოფო გაბუნია, მეორე ვიცე მის შიდა ქართლი მარიამ გოჩიაშვილი, პირველი ვიცე მის შიდა ქართლი მარი კუთხაშვილი და მის შიდა ქართლი 2013 რომელიც გასული წლის მის შიდა ქართლმა თინათინ გელაშვილმა დაასახელა ქარელელი 16 წლის მარიამ ფაფელაშვილი გახდა.

რომელსაც ქარელის მუნიციპალიტეტის გამგეობამ ფულადი პრიზი 500 ლარი გადასცა. თითოეულ მონაწილეს ყვავილების სალონმა გამამხნევებელი საჩუქრები, თაიგულები გადაეცა.

ღონისძიების ორგანიზატორი გიორგი ახალკაცი იმედოვნებს, რომ გამარჯვებული მარიამ ფაფელაშვილი წარმატებებს მიაღწევს სხვადასხვა მაღალი დონის საერთაშორისო სილამაზის კონკურსებზე.

საღამო გორის მუნიციპალიტეტის მოსწავლე ახალგაზრდობის კულტურულ საგანმანათლებლო ცენტრის მხარდაჭერით გაიმართა.