19 წლის ფეხბურთელის, გიორგი შაქარაშვილის საქმეზე ცრუ ჩვენების ბრალდებით დაკავებულმა ვერონიკა ავოიანმა ადვოკატთან, ანა ჟღენტთან ერთად პრესკონფერენცია გამართა და საზოგადოებაში გაჩენილ კითხვებს უპასუხა.

ბრალდებული აცხადებს, რომ დანაშაული გაუაზრებლად ჩაიდინა და საქმეში ბრალდებულ პირებთან კავშირი არ აქვს.

“სამჯერ ვიყავი პროკურატურაში და ერთი და იგივე ჩვენება მივეცი. ფინანსური ინტერესი არ მქონია, ჩემი ქცევა გაუაზრებელი იყო. ინტერესი არც პოპულარობა ყოფილა, არც ბრალდებულებს ვიცნობ. ინტერესი მხოლოდ კარიერული წინსვლა იყო, თუმცა არავინ არაფერს დამპირებია”, – აცხადებს ვეროიკა ავოიანი.