"არ შეიძლება რაიმე დაავადების, მათ შორის კოვიდ ინფექციის გამო, ამომრჩეველს საარჩევნო უფლება შეეზღუდოს"- ბეჟაშვილი

პოლიტიკა - 12:35, 08 Sep, 2020

717

ერთიანი ნაციონალური მოძრაობის მაჟორიტარობის კანდიდატი საგარეჯო-დედოფლისწყარო-სიღნაღის ოლქში, ლევან ბეჟაშვილი მიიჩნევს, რომ არ შეიძლება რაიმე დაავადების, მათ შორის კოვიდ ინფექციის გამო, ამომრჩეველს საარჩევნო უფლება შეეზღუდოს.

მისივე თქმით, ესაა მოქალაქის კონსტიტუციური უფლება, რომლის განხორციელება სახელმწიფომ და ცენტრალურმა საარჩევნო კომისიამ უნდა უზრუნველყონ.

"სახელმწიფოს პოზიტიური ვალდებულებაა, რომ უზრუნველყოს საქართველოს მოქალაქეების საარჩევნო კონსტიტუციური უფლების რეალიზება. კონსტიტუცია არ ითვალისწინებს ამომრჩევლის საარჩევნო უფლების რეალიზების შეზღუდვის უფლებას კოვიდ ინფიცირებულობის, ან სხვა ავადმყოფობის გამო.

შესაბამისად, სახელმწიფო და ცენტრალური საარჩევნო კომისია ვალდებულია, რომ უზრუნველყოს მათ შორის კოვიდ იმფიცირებულების საარჩევნო უფლების შესაძლებლობის განხორციელება. რა თქმა უნდა, პრობლემას არ უნდა დაემალოს.

კონკრეტულად ვიცით რამდენი კოვიდ ინფიცირებული გვყავს, მათთან შესვლის საშუალება აქვთ როგორც სამედიცინო პერსონალს, ასევე შესაძლებელია სარჩევნო პერსონალი შესაბამისი აღჭურვილობით შეყვანა და პრობლემის ხელოვნურად შექმნა არაა გამართლებული.

ამავდროულად, კარანტინში მყოფი ადამიანებისთვის უნდა განხორციელდეს საარჩევნო უფლება"- უთხრა "ნიუპოსტს" ბეჟაშვილმა.