ევროპული საქართველოს მაჟორიტარობის კანდიდატი საჩხერის, ჭიათურისა და ხარაგაულის ოლქში, სერგო რატიანი, ჭიათურის მერიის კორუფციულ სქემაზე აკეთებს განცხადებას.

სერგო რატიანის თქმით, პანდემიის პერიოდში, როდესაც მთავრობა საკვები პროდუქტებით ეხმარებოდა სოციალურად გაჭირვებულ ოჯახებს, ჭიათურის მერიამ ტენდერი გააფორმა მერთან დაახლოებული პირის კომპანიასთან და მასთან შეთანხმებით პროდუქტებზე ხელოვნურად გაზარდა ფასები. რატიანმა აღნიშნა, რომ თანხა, რომლითაც მთავრობა ყველაზე მოწყვლად ჯგუფს უნდა დახმარებოდა, წავიდა ჩინოვნიკების და მათთან დაახლოებული პირების ჯიბეში.

„მოგეხსენებათ, ქვეყანა იმყოფება უმძიმეს ეკონომიკურ კრიზისში, არის სიღარიბე, უმუშევრობა იზრდება კატასტროფულად, 80 000 ბავში შიმშილობს და 60%-ით არის გაზრდილი ფასები. ამის საფუძველი არის ქართული ოცნების ხელისუფლების კორუფციული მმართველობა და ხედვის არარსებობა. ქვეყანამ თუ შეინარჩუნა ეს მიმართულება ჩვენ მომავალი ათწლეულები ვიქნებით ძალიან მძიმე მდომარეობაში. ქვეყანაში არის კორუფცია და მინდა, რომ ერთ-ერთი მაგალითი მოვიყვანო. შემდეგშიც მოგახსენებთ თუ რა მძიმე ვითარებაა იმ ოლქში, სადაც ვიყრი კენჭს.

მოგეხსენებათ, რომ მთავროამ, პანდემიის დროს, გადაწყვიტა დახმარებოდა სოციალურად მძიმე მდგომარეობაში მყოფ ადამიანებს, ოჯახებს და აკეთებდა შესყიდვებს და ოჯახებისათვის მუნიციპალიტეტს მიჰქონდა პროდუქტები. სამწუხაროდ, შემაშფოთებელია, რომ ეს მდგომარეობა მათ გამოიყენეს თავიანთი თავების და ახლობლების გასამდიდრებლად. ჭიათურის მერიამ, პანდემიის პერიოდში, გააკეთა 184 000 ლარის შესყიდვა, რომელშიც შედიოდა პირველადი მოხმარებისა და საკვები პროდუქტები, თუმცა ყველგან არის გადაცდომა და შემაშფოთებელია, რომ ეს პროდუქტები გაცილებით მაღალ ფასად აქვთ ნაყიდი, ვიდრე ჭიათურის ნებისმიერ მაღაზიაში იგივე პროდუქტის საბითუმო ფასი იქნებოდა. მაგალითად, მუნიციპალიტეტმა, 2 კილოგრამ შაქარში, 4.20ლ გადაიხადა, როდესაც მისი ფასი არ აღემატებოდა 3.30ლ. იგივე პრაქტიკაა გამოყენებული სხვა პროდუქტებზეც.

ეს არის უმძიმესი დანაშაული, რაც უნდა იქნას გამოძიებული. ეს პრაქტიკა უნდა შევაჩეროთ, სწორედ ამიტომ, ევროპულ საქართველოს აქვს გეგმა, რომ ბიუროკრატიული ხარჯები 2მლრდ. ლარით უნდა შემცირდეს, ეს არის თანხა, რომელიც უნდა დარჩეს ეკონომიკაში, ხალხს და ეს თანხა არ უნდა ხმარდებოდეს კორუმპირებული ჩინოვნიკების გამოკვებას.

ასევე საგულისმოა, რომ ის კომპანია, რომელთანაც მუნიციპალიტეტმა გააფორმა სატენდერო ხელშეკრულება, არის დაახლოებული პირი ჭიათურის მერთან, კონკრეტულად ეს პირი არის გაგა ბრეგაძე, რაც უფრო ართულებს სიტუაციას. ფასები ამ პირთან შეთანხმებით, არის ხელოვნურად გაზრდილი და ეს თანხა წასულია ჩინოვნიკების ჯიბეში, ნაცვლად იმისა, რომ ამ თანხით ხელისფლება ყველაზე მოწყვლად ჯგუფს დახმარებოდა.“ - განაცხადა სერგო რატიანმა.