"სააკაშვილი არჩევნების მერეც ვერ ჩამოვა"

"სააკაშვილი არჩევნების მერეც ვერ ჩამოვა" - დავით ჭიჭინაძე

პოლიტიკა - 10:28, 08 Sep, 2020

1062

პოლიტიკური მოძრაობა „ტრიბუნას" ლიდერი, დავით ჭიჭინაძე, მიხეილ სააკაშვილის მიერ სამშობლოში დაბრუნების შესახებ გაკეთებულ განცხადებას ეხმაურება და აცხადებს, რომ სააკაშვილი საქართველოში არჩევნების შემდეგაც ვერ დაბრუნდება.

"სააკაშვილმა, რომელიც დღეს ბოდიშს იხდის და ავიწყდება, როგორც ჩანს, როგორ ხდებოდა სწორედ მის დროს, იძულებითი საპროცესო გარიგებებით ხალხის გატყავება, ბინების წართმევა, ციხეებში ქონების გადაფორმება...

ვალებით გაივსო ქვეყანა მის დროს, როგორც საშინაო, ფიზიკური პირების, ისე საგარეო ვალებით!

და თუ თავს ისევ დავიბრმავებთ და „ნაციონალებზე“ და „ოცნებაზე“ ვისაუბრებთ მხოლოდ, რა თქმა უნდა ამ ქვეყანას პერსპექტივა მართლა არ ექნება.

მოკლედ, ვუსმინე სააკაშვილს და მისი ცნობილი ცრემლი დამაკლდა, გულაჩუყბული რომ ესაუბრებახოლმე ხალხს.

არადა მართლა რომ თვალსა და ხელს შუა იტყუება ყოველთვის.

ახლაც, წალმებზე საუბრობს და ოქრიაშვილი დაიბრუნა პარტიაშ;

სამრთლიანობაზე და მერაბიშვილი უდგას გვერდით...

ჩვენ კი, ისეთი ხელისუფლებაც არ გვყავს, რომელც ადეკვატურ პასუხს გასცემს.

პირიქით, მისი ნამოღვაწარის ხარჯზე ცდილობენ ძალაუფლების გახანგრძლივებას.

რადგან , „ქართულმა ოცნებამ“, თუ რამე შესაჭმელი იყო გადარჩენილი, ბოლომდე შეჭამა და გამოხრა.

ასე რომ, მე არ მგონია არცერთი პოლიტიკური ძალა, „ნაციონალების“ გარდა , რომელიც სააკაშვილს აპატიებს იმ დანაშაულებებს, რაც ამ ქვეყნის წინაშე აქვს ჩადენილი.

ამიტომ, სააკაშვილი ვერც არჩევნების მერე ვერ ჩამოვა საქართველოში.

ივანიშვილი კი, კვლავაც, როგორც არაერთხელ, შეეცდება სწორედ სააკაშვილი გამოიყენოს მაშველ რგოლად, რადგან სწორედ სააკაშვილია ივანიშვილის საყრდენი.

ჩვენ კი ნამდვილად არვართ იმის ღირსი, რომ ამჯერადაც წარსულს და უიმედობას შორის გავაკეთოთ არჩევანი.

დღეს თუ ვინმეა დასამარცხებელი, ეს ჩვენი უღირსი წარსულია,

ის მევახშური წარსული, რომელიც დღესაც არსებობს და ბოგინობს!" - განაცხადა დავით ჭიჭინაძემ.