გამკაცრდება თუ არა დახურულ სივრცეებში კონტროლი - საქართველოს პრემიერმინისტრის, გიორგი გახარიას განცხადებით, დახურულ სივრცეებში სოციალური ღონისძიებების ჩატარებისას კონტროლი უკიდურესად გამკაცრდება.

როგორც გახარიამ განმარტა ბოლო თვეებში, განსაკუთრებით აჭარის რეგიონში, ხალხმრავალი ქორწილები ჩატარდა და იყო რამდენიმე შემთხვევა, როდესაც ღონისძიება კორონავირუსის გავრცელების წყარო გახდა.

"აუცილებელია, სოციალური და სარიტუალო ღონისძიებების კონტროლის კიდევ უფრო გამკაცრება, განსაკუთრებით დახურულ სივრცეებში. აშკარა მაგალითი გვანახა აჭარის რეგიონმა, სადაც ბოლო თვეების განმავლობაში ძალზედ დიდი ქორწილები ჩატარდა და იქ იყო რამოდენიმე შემთხვევა, როდესაც მსგავსი სოციალური ღონისძიებები გახდა გადაცემის წყარო. ამიტომ, დახურულ სივრცეებში სოციალური ღონისძიებების ჩატარების კონტროლი უკიდურესად გამკაცრდება მთელი ქვეყნის მასშტაბით. ეს არ ეხება ღია სივრცეს. ღია სივრცის პირობებში დამატებითი მოთხოვნები იქნება, მაგრამ ეს იქნება შედარებით მსუბუქი", - განაცხადა პრემიერმა.