ბოდბელი მთავარეპისკოპოსი იაკობი აცხადებს, რომ არ ეთანხმება აზრს, რომ სასულიერო პირი სახელმწიფოს საქმეებში არ უნდა ერეოდეს.

იაკობის თქმით, ეპისკოპოსი სასულიერო პირობასთან ერთად საზოგადო მოღვაწეცაა და ვალდებულია თუ რამე ცუდი ხდება ქვეყანაში ეს უთხრას ხალხს.

"ვინც მაგას გვეუბნება იმას არ ესმის რა არის ან ეკლესიის საქმეებში ჩარევა, ან არ ესმის რა არის სახელმწიფო საქმეებში ჩარევა. როდესაც ხარ სასულიერო პირი, მითუმეტეს ეპისკოპოსი, შენ არა ხარ მხოლოდ სასულიერო პირი, ხარ საზოგადო მოღვაწე. თუ იმათ რამე იციან, ვინც კანონები მიიღო, იმათგან ვიცი უცხოეთიდან, თუნდაც ევროპელი პარლამენტარებიდან, იურისტებიდან, რომ აუცილებლად, თუ რაღაც ცუდი ხდება უნდა გითხრათ, რომ დაცული იყოთ ამ ცუდისაგან. არამარტო საეკლესიო მხრივ, არამედ ისედაც. ამიტომ ეს განმარტებები არასწორია" - ამბობს მეუფე იაკობი.