ევროპული საქართველოს მაჟორიტარობის კანდიდატი ზუგდიდში, გიგი უგულავა, მის საარჩევნო პლაკატებზე ქართული ოცნების კანდიდატის, ირაკლი ჩიქოვანის, პლაკატების გადაკვრას ეხმაურება.

გიგი უგულავას თქმით, დღეს, როდესაც ზუგდიდში ჩამოდის გიორგი გახარია, ქართული ოცნების აქტივისტებმა გადაწყვიტეს, რომ მის პლაკატებზე გადაეკრათ ქართული ოცნების კანდიდატის პლაკატები, თითქოს მის გარდა სხვა ამ ქალაქში არ არსებობს. უგულავას თქმით, ეს არის შევარდნაძის დროინდელი ტაქტიკა, როდესაც ასვალტს მხოლოდ იმ გზაზე აგებდნენ, სადაც შევარდნაძე გაივლიდა.

გიგი უგულავა ამის საპასუხოდ, დღეს იმ ადგილებში, სადაც გიორგი გახარია გაივლის, გააკრავს პლაკატებს,სადაც კარიკატურულად გამოსახულია ბიძინა ივანიშვილის გაძევება ზუგდიდიდან. გიგი უგულავას თქმით, 31 ოქტომბერს, ივანიშვილს გააძევებენ არამარტო ზუგდიდიდან, არამედ მთლიანი საქართველოდან.

„დღეს ზუგდიდს სტუმრობს ბატონი გახარია და მთელი ღამის განმავლობაში, ბატონი ჩიქოვანის, თანამედროვე კომკავშირელის შტაბმა, გადაწყვიტა მისთვის საჩუქარი მიეძღვნა და იქ სადაც გახარია გაივლის, იმ მარშუტზე, ჩემ პლაკატებს გადააკრეს ბატონი ჩიქოვანის პლაკატები. სირცხვილია შევარდნაძის დროინდელი ტაქტიკით მუშაობა, ადრე სადაც შევარდნაძე ჩამოდიოდა მხოლოდ იქ აგებდნენ ასვალტს, ეხლა გახარიას პლაკატები დაახვედრეს, თითქოს მე აქ არ ვარსებობ. ამიტომ, ველურობაზე მე არ ვპასუხობ ველურობით და ჩვენ პლაკატებს, სადაც კარიკატურულად გამოსახულია ბატონი ივანიშვილის გაძევება ზუგდიდიდან, ამ პლაკატებით დავხვდებით ბატონ პრემიერ მინისტრს.დღეს, მთელი დღე, როდესაც გახარია იმოძრავებს, მას დახვდება ივანიშვილი, რომელსაც ჩემოდანი აქვს ჩალაგებული და იპარავს ზუგდიდის აბრას. ეს არის ქართული ოცნების მდარე, პატარა, ველური სახე, თუმცა 31 ოქტომბერს მოხდება ის, რაც ამ კარიკატურაზეა აღწერილი, ზუგდიდის აბრას გავატანთ ბატონ ივანიშვილს საჩუქრად, ჩემოდანი ჩალაგებული აქვს და შესაბამისად მიბრძანდება არამარტო ზუგდიდიდან, არამედ მთლიანი საქართველოდან.“ - აცახდებს გიგი უგულავა.