ევროპული საქართველოს საარჩევნო შტაბის ხელმძღვანელი, სერგი კაპანაძე, ხელისუფლების მხრიდან პოლიტიკურ ოპონენტებზე ფიზიკური ანგარიშსწორებისა და ძალადობის ფაქტებს ეხმაურება.

სერგი კაპანაძის თქმით, უნდა მოხდეს გარდამტეხი ცვლილებები, რათა დასრულდეს პოლიტიკური ოპონენტების მიმართ ანგარიშსწორება. სერგი კაპანაძემ აღნიშნა, რომ დაშინებითა და ანგარიშსწორებით ქართული ოცნება მაინც ვერ მოახერხებს გამარჯვებას, რადგან მათ დაბალი რეიტინგი აქვთ.

„ერთ-ერთი მთავარი რაც უნდა შეიცვალოს ქვეყანაში ქართული ოცნების ხელისუფლების შეცვლის შემდეგ, არის ის, რომ ეს პოლიტიკური ანგარიშსწორება უნდა დამთავრდეს და ეს არის ერთ-ერთი ნაწილი გადამწყვეტილი ცვლილებების რაც უნდა მოხდეს. ჯერ საარჩევნო კაპმანია არ შესულა აქტიურ ფაზაში და უკვე ვხედავთ ლელოს წარმომადგენლებზე თავდასხმას, ვნახეთ გუშინ რაღაც აბსურდული მცდელობა, რომ ევროპული საქართველო მოეხსნათ რეგისტრაციიდან სრულიად გაუგებარი მიზეზით, ვნახეთ სახელმწიფო უწყებების მხრიდან გამოცხადებული ომი საარჩევნო პლაკატების მიმართ, უკვე დაიწყო აქტივისტების დაშინება, ეს კიდევ გაგრძელდება. ასეთივე ხელწერა იყო წინა არჩევნების დროს, როდესაც ოფისების დარბევა ვნახეთ, პირდაპირი ძალადობა, ცემა, მოსყიდვა და ეს არის თემები, რომლითაც ჩვენი საერთაშორისო პარტნიორები ძალიან შეშფოთებულები არიან და ამას ადევნებენ თვალყურს. მთავარი რაც არის, პრობლემა არის ის, რომ არცერთი ადამიანი არ ისჯება ამის გამო და სწორედ ესაა შესაცვლელი, რომ ასეთი ტიპის ანგარიშსწორება, ასეთი ტიპის პოლიტიკური დევნა მოწინააღმდეგის უნდა დამთავრდეს და ეს არის მთავარი ნაწილი იმ ცვლილებების, რომელიც უნდა მოხდეს არჩევნებში ბიძინა ივანიშვილის დამარცხების შემდეგ. ჩვენ არ გვაქვს ილუზია, რომ ხელისუფლება ამ ინსტრუმენტებს არ გამოიყენებს, თუმცა აქვე დარწმუნებით ვიცი, რომ ამისდა მიუხედავად, ისინი არჩევნებს წააგებენ, რადგან მათ მოსახლეობის მხარდაჭერა არ აქვთ და დაშინებით, ისინი ხელოვნურად ვერ გაზრდიან ამომრჩეველთა რიცხვს.“ - აცხადებს სერგი კაპანაძე.