გიგი უგულავა საარჩევნო კამპანიის აქტიურ ფაზაში გადასვლასთან ერთად, ზუგდიდის სოფლებს ევროპული საქართველოს ავტობუსით ეწვევა.

ევროპული საქართველოს ზუგდიდის მაჟორიტარობის კანდიდატი, გიგი უგულავა აქტიურ საარჩევნო კამპანიას იწყებს. გიგი უგულავას თქმით, ის, აქტივისტებთან ერთად ესტუმრება ყველა სოფელს, მათ პრობლემებს მოისმენს და პარტიის პროგრამას წარუდგენს. უგულავამ აღნიშნა, რომ სწორედ ევროპული საქართველო იქნება კომპასი, რომელიც აჩვენებს სწორ გზას გარდამტეხი ცვლილებებისათვის.გიგი უგულავას თქმით, საქართველოში მთავრდება ერთპიროვნული მმართველობის ეპოქა და მას კოალიციური მმართველობა ჩაანაცვლებს.

„აქ ჩვენ გვექნება საშუალება, ჩვენ აქტივისტებთან ერთად დავიაროთ ყველა სოფელი, შესაბამისად იქ შევხვდეთ ადამიანებს და მათ გავესაბროთ. რაც მთავარია ჩვენთან ერთად იქნება ცნობილი ფოტოგრაფი, ალექსანდრე ბაგრატიონ-დავითაშვილი, რომელიც ცალკე იმუშავებს და გააკეთებს ზუგდიდის 30ივე სოფლის ფოტო პროფილს, რაც შემდეგში დაიდება სოციალურ ქსელში და მოეხმარება ზუგიდისა და ზუგდიდის სოფლების პოპულარიზაციას. გარდა ამისა, რათქმაუნდა, ჩვენ გვექნება პრობლემებზე საუბარი, გარდამტეხ ცვლილებებზე, რომელიც მომწიფებულია და რა როლი აქვს აქ ევროპულ საქართველოს, რადგან ევროპული საქართველო რეალურად ამ გარდამტეხი ცვლილებების ეპოქაში არის კომპასი საზოგადოებისთავის, კომპასი, რომელიც ანახეს გზას, რა უნდა იყოს ამ ცვლილებების და ბიძინა ივანიშვილის წასვლის შემდეგ. ეს არის გადასახადების შემცირება, ნაფიცი მსაჯლები სასამართლოში, სახელმწიფო ქონებაში არსებული მიწების ხალხისთვის გადაცემა. სწორედ ამაზე გვექნება ჩვენ საუბარი, ჩვენი აზრით სწორედ ეს არის ის საკითხები, რომლებიც ყველაზე მეტად აღელვებს მოსახლეობას. ამ ქვეყანაში მთავრდება ამ არჩევნებთან ერთად ერთპიროვნული მმართველობა, ქვეყანა გადავა კოალიციურ მმართველობაზე და დამთავრდება სამთავრობო ბატონყმობა საქართველოში.“ - განაცხადა გიგი უგულავამ.