"ენმ პრემიერობის კანდიდატსა და სიასაც საზოგადოებას ძალიან მალე წარუდგენს"

"ენმ პრემიერობის კანდიდატსა და სიასაც საზოგადოებას ძალიან მალე წარუდგენს" - თინა ბოკუჩავა

პოლიტიკა - 14:49, 02 Sep, 2020

1051

"ენმ პრემიერობის კანდიდატსა და სიასაც საზოგადოებას ძალიან მალე წარუდგენს" - აღნიშნულის შესახებ ნიუნპოსტს ერთიანი ნაციონალური მოძრაობის წარმომადგენელმა თინა ბოკუჩავამ განუცხადა.

"ის, რომ ივანიშვილის 8-წლიანმა მმართველობამ სახელმწიფო სისტემების ჩამოშლა გამოიწვია, და არა მხოლოს საქართველოს, აგრეთვე საერთაშორისო იმიჯის ჩამოშლა, ამაზე არაერთი კვლევა მეტყველებს, მათ შორის ის, რომელსაც თქვენ ციტირებთ, რაც ძალიან სამწუხაროა, რადგან ამ იმიჯის აღდგენას ძალიან შრომა და ენერგია სჭირდება. თუმცა, დარწმუნებული ვარ, რომ 2 თვეში საქართველოს ასეთი მთავრობა ეყოლება. მთავრობა, რომელიც ჩვენს ევროინტეგრაციას კვლავ რეალურს გახდის. როდესაც ხელისუფლება ყველა საერთაშორისო კაპიტალის აბსოლუტურ უმეტესობას ოპონენტებზე დევნასა და განსხვავებული აზრთან ბრძოლას უთმობს, რა თქმა უნდა, მართლა მნიშვნელოვანი საკითხები, ისეთები, როგორიცაა დეოკუპაცია მეორე პლანზე გადადის, ეს მოხდა ზუსტად „ქართული ოცნების“ პირობებში. ძირითადად, სტრატეგიული აღრევისა და არაკომპეტენტურობის გამო. დასამალი არც ისაა, რომ საქართველოს მოხსნა საერთაშორისო დღის წესრიგიდან, პირდაპირ პუტინის მიზანია, რასაც ივანიშვილი 8 წელია, როგორც ოფიციალურ პუტინის დაკვეთის შემსრულებელი, პირნათლად ასრულებს და რაზეც დიპლომატები ღიად მიუთითებენ. ასეთი ინციდენტები წარსულშიც ხდებოდა, თუმცა არა ამ სიხშირით. ეს საერთაშორისო საზოგადოების ალარმიზაციაა. აუცილებელია ამ საკითხებზე მაქსიმალურად წითელი დროშების აწევა, ჩვენი საერთაშორისო პარტნიორების მობილიზება. იმისთვის, რომ საერთაშორისო ფორმატში ჩვენი ინტერესების დაცვა შევძლოთ. თუმცა, როდესაც ხელისუფლებას პუტინის ინტერესების გატარებაში ადანაშაულებენ, რა თქმა უნდა, ისინი ამ მაამებლური და ვითომ არგაღიზიანების პოლიტიკას გაატარებენ." - განაცხადა თინა ბოკუჩავამ.