"ესაა არჩევნები, რომელიც არის წყალგამყოფი, უმნიშვნელოვანესი ჩვენი მომავლისთვის" - თინა ბოკუჩავამ ცენტრალურ საარჩევნო კომისიაში, პარტიის რეგისტრაციასთან დაკავშრებით განაცხადი შეიტანა

პოლიტიკა - 14:47, 02 Sep, 2020

792

ერთიანი ნაციონალური მოძრაობის წარმომადგენელმა .
"ესაა არჩევნები, რომელიც არის წყალგამყოფი, უმნიშვნელოვანესი ჩვენი მომავლისთვის. ერთი მხრივ უნდა ავირჩიოთ, დარჩენა რუსულ ორბიტაზე, იმ კორუფციაში, რომელიც ბიძინა ივანიშვილმა დააკვიდრა, იმ უიმედობაში, უპერსპექტივობაში, უსაფრთხოების ნორმების მოშლაში ან უკეთესი მომავალი უნდა ავირჩიოთ. ავირჩიოთ უკეთესი, დასავლური მომავალი და იმ გეგმების რეალიზაცია, რომელიც საქართველოს უამრავ მოქალაქეს აქვს. დარწმუნებული ვარ, რომ ადამიანები ძალიან სწორ და ღირსეულ არჩევანს გააკეთებენ. ენმ 8 წლის განმავლობაში იყო ბიძინა ივანიშვილთან ბრძოლის წინააღმდეგ ავანგარდში და რა თქმა უნდა, ნაციონალური მოძრაობა ამ ბრძოლის მოგების ავანგარდშიც იქნება, როდესაც 31 ოქტომბერს ოპოზიცია უიმედობას დაამარცხებს. არჩვენების თარიღი უკვე ცნობილია და გუშინვე „ქართულმა ოცნებამ“ თავისი სიძულვილის და შუღლის კამპანია უკვე დაიწყო, როდესაც ისინი ენმ-სა და მის ლიდერს, მიხეილ სააკაშვილს თავს ესხმოდნენ, რამაც ცხადყო, თუ როგორი იქნება მათი კამპანია - სიძულვილსა და ღვარძლზე აგებული, ნაცვლად იმისა, რომ ადამიანებს უთხრან, როგორ მოაგვარონ მათი პრობლემები. ქვეყანაში, სადაც ყოველი მე-5 ბავშვი შიმშილობს, მმართველი პარტია 8 წლის თავზე, კვლავ ოპოზიციასა და მის ლიდერზე საუბრობს. ეს „ქართული ოცნებისა“ და პირადად ბიძინა ივანიშვილის სახეს ნათლად წარმოაჩენს, რომელსაც არაფერი შეუძლია გარდა პირადად ივანიშვილის ოპონენტის, მიხეილ სააკაშვილის ლანძღვისა, ეს წარსულს უნდა ჩაბარდეს. დათო საყვარელიძეს, ისევე როგორც სხვა ნებისმიერ ადამიანს, აქვს საკუთარი მოსაზრება, თუმცა კოალიციის შექმნის შემთხვევაში პრემიერის კანდიდატის წარდგენა ხდება იმ პარტიის მხრიდან, რომელსაც ყველაზე მეტი ხმა აქვს აღებული. დარწმუნებული ვარ ეს პარტია იქნება ის, რომელსაც მე წარმოვადგენ და რომელიც წლებია ამ ბრძოლის ავანგარდშია. " - განაცხადა ბოკუჩავა.