ევროპული საქართველოს მაჟორიტარობის კანდიდატი მთაწმინდისა და კრწანისის ოლქში, შალვა შავგულიძე, ზემო ფონიჭალასა და მთაწმინდაზე მოსახლეობას შეხვდა.

შალვა შავგულიძის თქმით, მოსახლეობას აწუხებს მძიმე სოციალური და ეკონომიკური პრობლემები, რაც კორონავირუსის პანდემიამ უფრო გააღრმავა. შავგულიძის თქმით, კრიმინალი გაზრდილია, ტრანსპორტი გაუმართავი, არის ინფრასტრუქტურული პრობლემები.

შალვა შავგულიძემ აღნიშნა, რომ ამ პრობლემების გამოსავალი გარდამტეხი ცვლილებებია, რომელსაც ევროპული კოალიცია განახორციელებს. ამ გზაზე, კი ევროპული საქართველო იქნება კომპასი, რომელიც სწორ მიმართულებას აჩვენებს.

„ზემო ფონიჭალაში და მთაწმინდაზე შევხვდით მოსახლეობას, ვისაუბრეთ მათ პრობლემებზე: კრიმინალის ზრდაზე, კორონავირუსის შემდეგ შექმნილ ეკონომიკურ გაჭირვებაზე, გაუმრათავ სატრანსპორტო სისტემაზე, იმაზე თუ რამდენად მნიშვნელოვანია არაფორმალური მმართველობის დამთავრება და სახელისუფლებო ევროპული კოალიციიის შექმნა, რაც ასევე დაასრულებს ერთპარტიულ მმართველობას საქართველოში.“ - განაცხადა შალვა შავგულიძემ.