"პატრიოტთა ალიანსის" წევრი , გიორგი ლომია აცხადებს, რომ ბათუმში პარტიის ბანერზე აჭარა რომც ყოფილიყო წითლად შეღებილი, ეს ოკუპაციას არ ნიშნავს. ამის შესახებ მან პარლამენტის პლენარულ სხდომაზე განაცხადა.

"ჩვენ განვაცხადეთ, რომ ეს იყო შეცდომა და აჭარის ფერი უნდა ყოფილიყო სხვა, მაგრამ რომც არ ყოფილიყო, სხვა ფერი და ყოფილიყო წითლად, მანდ ეწერა "SOS" და ეს სულაც არ ნიშნავს, რომ იყო ოკუპირებული ტერიტორია. ეს იმას ნიშნავს, რომ საგანგაშოა მდგომარეობა და ყურადღება უნდა მიექციოს ამ რეგიონს", - განაცხადა ლომიამ.

შეგახსენებთ, პარტია პატრიოტთა ალიანსმა განათავსა ბანერი, სადაც საქართველოს რუკაზე აჭარის რეგიონი გამოყოფილია, როგორც ოკუპირებული ტერიტორია, აფხაზეთთან და სამხრეთ ოსეთთან ერთად. აღნიშნულს სოციალურ ქსელში კრიტიკა მოჰყვა, პატრიოტთა ალიანსს შუღლის გაღვივებაში ადანაშაულებენ.