"ოცნების" აღმასრულებელი მდივანი, ირაკლი კობახიძე ნაციონალურ მოძრაობასა და პატრიოტთა ალიანსს "ერთი ბნელი მედლის ორ მხარეს" უწოდებს და ამბობს, რომ ისინი წლების მანძილზე აკეთებდნენ რუსულ საქმეს საქართველოში.

"ნაცმოძრაობა და პატრიოტთა ალიანსი არის ერთი ბნელი მედლის ორი მხარე. ისინი ერთად აკეთებდნენ წლების განმავლობაში რუსულ საქმეს საქართველოში და ეს არის მათთვის საერთო, სწორედ ეს აერთიანებთ მათ და სწორედ ამის გამო სხედან ისინი საერთო მაგიდასთან, ვგულისხმობ ნაცმოძრაობას, მის სატელიტებს, პატრიოტთა ალიანსს და ბურჯანაძეს. ისინი არიან გაერთიანებულები რუსული საქმის გარშემო" - თქვა კობახიძემ.