ევროპული საქართველოს ლიდერი, დავით ბაქრაძე საარჩევნო კოდექსის ცვლილებას და დამატებითი რეგულაციების შემოღებას ეხმაურება.

დავით ბაქრაძის თქმით, ამგავრი ცვლილებებით მთავრობა ცდილობს ქულები დაიწეროს უცხოელი პარტნიორების თვალში. დავით ბაქრაძემ აღნიშნა, რომ წინა წლებში, მიუხედავად იმისა, რომ მრავალი დარღვევა დაფიქსირდა არჩევნებზე, არცერთი ადმინისტრაციული ჯარიმაც არ დაწერიალ თანამდებობის პირებზე, შესაბამისად, ამ ტიპის ინიციატივას ნულოვანი ნდობა აქვს საზოგადოებაში.

„იმ პირობებში, როდესაც არსებობს არცერთი პრეცენდენტი, ასეთი დარღვევების გამოძიების და თუმდაც ადმინისტრაციული წესით, თანამდებობის პირების დაჯარიმების, იმ პირობეში, როცა ქართულმა ოცნებამ უარი თქვა ევროპული საქართველოს მიერ შეთავაზებულ კონკრეტულ მექანიზმებზე, როგორ უნდა დაგვეცვა ზეწოლისგან და გაყალბებისგან ჩვენი ამომრჩევლის ხმები, რათქმაუნდა ეს ინიციატივა ემსახურება მხოლოდ ერთს, ეს გახლავთ ქულების დაწერის მცდელობა ჩვენი უცხოელი პარტნიორების თვალში და ასეთი ტიპის ინიციატივებს, ვიმეორებ, პრეცენდენტების არარსებობისა და მექანიზმების მიუღებლობის პირობებში, ასეთი ტიპის ინიციატივებს აქვს ნულოვანი ნდობა საქართველოს შიგნით, საზოგადოებაში.“ - განაცხადა დავით ბაქრაძემ.